Gallech ennill £50 o dalebau siopa am ddim ond rhoi eich barn!
Cliciwch yma i gael gwybod mwy
Gwasanaethu eich boeler
Mae'r clociau wedi mynd nôl; mae'r nosweithiau'n tywyllu ac mae'r tywydd yn mynd yn oerach. Felly gwnewch yn siŵr bod eich boeler mewn cyflwr da fel y byddwch yn cadw'n ddiogel ac yn gynnes y gaeaf hwn.
Rydym yn gwasanaethu ein holl foeleri am ddim bob blwyddyn, mae'r gwasanaeth yn cynnwys;
Dim ond rhyw hanner awr bydd y gwasanaeth yn cymryd ac mae'n bwysig iawn ar gyfer eich diogelwch chi a'ch teulu.
Os byddwn yn gweld bod angen gwaith atgyweirio mawr neu newid y boeler yn ystod y gwasanaeth hwn, yna byddwn yn trefnu i beiriannydd ymweld dro arall a byddwn yn bwcio hyn fel apwyntiad ar wahân.
Os hoffech gael gwybod pryd mae'n amser i wasanaethu eich boeler, ffoniwch 0300 123 2100 neu anfonwch e-bost at comments@v2c.org.uk
Fel un o'r 10 Cymdeithas Dai Orau yng Nghymru, rydym wedi cyhoeddi apwyntiad Anthony Whittaker yn Gadeirydd newydd y Bwrdd Cyfarwyddwyr, i ddilyn y Cadeirydd presennol, Neil Harries. Cafodd Anthony ei benodi'n Gadeirydd yn swyddogol ar 22 Hydref 2018.
Bu Anthony yn Brif Weithredwr ar un o brif gymdeithasau tai Cymru, United Welsh, nes iddo ymddeol yn ddiweddar, ac mae ganddo dros 40 mlynedd o brofiad o weithio yn y sector tai. Yn ogystal, mae wedi gwasanaethu fel Aelod Bwrdd anweithredol i nifer o sefydliadau tai yng Nghymru a Lloegr. Mae Anthony yn byw ym Mhen-y-bont ar Ogwr, ac yn ystod ei oriau hamdden mae'n mwynhau mynd â'i gi am dro, garddio, a dilyn ei [gyn] dîm pêl-droed lleol.
Wrth sylwi ar yr apwyntiad, dywedodd Donna Baddeley, ein Prif Weithredwr: “Rwy'n falch iawn o groesawu Anthony yn Gadeirydd newydd gan fod ganddo gyfoeth o brofiad perthnasol i'w gyfrannu, a chefndir cadarn fel Gweithredwr a Chadeirydd. Yn ogystal, mae ganddo ddealltwriaeth eang o wasanaethau tai, empathi cryf â'n gwerthoedd, ac mae'n ymrwymedig i helpu ein cwsmeriaid i fyw'n ddiogel ac yn ddedwydd yn eu cartrefi eu hunain. Rwy'n edrych ymlaen at gydweithio'n agos ag Anthony.”
“Ar ran y Bwrdd, hoffwn hefyd ddiolch i Neil am ei gyfraniad sylweddol i Gymoedd i'r Arfordir a'i gefnogaeth amhrisiadwy dros y pum mlynedd diwethaf – dymunwn yn dda iddo ar gyfer y dyfodol.”
Meddai Anthony: “Rwyf wrth fy modd o gael ymuno mewn cyfnod sy'n arbennig o gyffrous i'r busnes, ac rwy'n cefnogi'n frwd yr ethos a rennir ym mhob rhan o Gymoedd i'r Arfordir a'i ffocws cyson ar roi'r cwsmer wrth galon y mudiad. Edrychaf ymlaen yn fawr at weithio gyda Donna, y Bwrdd a'r tîm ehangach wrth i'r sefydliad symud ymlaen at y cam nesaf yn ei ddatblygiad.”
Mae’r wybodaeth isod yn dangos sut mae Bwrdd V2C yn credu ein bod yn cwrdd â Safonau Perfformiad Llywodraeth Cymru ac yn awgrymu ble y gallwn wella.
A ydych yn cytuno gyda'r Bwrdd?
Rhannwch eich barn gyda Michael Hughes ar 01656 727948 neu e-bostiwch michael.hughes@v2c.org.uk
Gallech ennill £50 o dalebau siopa am ddim ond rhoi eich barn!
Ar ddydd Gwener 3 Awst, cynhaliodd Cymoedd i'r Arfordir ddigwyddiad codi arian ar gyfer Tŷ Hafan, ein helusen ddewisol ar gyfer y flwyddyn, ar ôl i ni glywed am ddiwrnod agored Tŷ Hafan ei hunan ar 4 Awst. Dilynom yr un thema a throi ein swyddfeydd yn Tremains yn lleoliad Gorllewin Gwyllt gyda phropiau a décor wedi'u hailgylchu a wnaethom ein hunain. Roedd croeso i gydweithwyr ddod i'r gwaith mewn dillad hamdden am rodd o £1 ond byddai unrhyw wisg ffansi yn dderbyniol iawn ac aeth nifer o bobl ati i geisio rhagori ar wisgoedd ei gilydd.
Cynhaliom amrywiol weithgareddau drwy'r dydd yn cynnwys siop fwyd, helfa darnau aur siocled, tŵr mawr Jenga a bwth lluniau carchar yn gyfnewid am roddion. Cafodd nifer o aelodau staff eu dal mewn cyffion tra bod sbyngau gwlyb yn cael eu taflu atynt (a chyrhaeddodd rhai'r targed yn wych!).
Yn ystod y diwrnod llwyddom i godi £100.31 ac rydym wedi ychwanegu'r swm hwn at ein cyfanswm blaenorol sydd nawr dros £600! Byddwn yn parhau i gefnogi Tŷ Hafan a'r gwaith anhygoel a wneir yno gyda
Mae ennill Safon y Ddraig Werdd yn dangos ein hymrwymiad i wella effeithlonrwydd ynni, lleihau ein hôl-troed carbon a gwella cynaliadwyedd amgylcheddol.
Rydym wedi cadw'r achrediad hwn ers nifer o flynyddoedd bellach ac mae rhai o'r manteision cadarnhaol yn cynnwys:
1. Cynyddu'r lefel o ailgylchu gwastraff yn ein Gwasanaeth Atgyweirio Tai.
Cafodd 92% o'n holl wastraff ei ailgylchu yn 2017-18.
2. Defnyddio mesurau sy’n arbed ynni ac arian yn ein swyddfeydd.
Mae'r rhain yn cynnwys gosod golau LED sy’n arbed ynni; gosod mesurau i leihau’r defnydd o ddŵr, defnyddio inc du a gwyn a llungopïo ar y ddwy ochr. Mae'r holl fesurau hyn wedi arbed arian gan ganiatáu i ni ail-fuddsoddi’r arian ar bethau eraill.
3. Buddsoddi mewn technolegau cynaliadwy i helpu ein cwsmeriaid i arbed arian yn eu cartrefi
Mae'r rhain yn cynnwys gosod systemau ffotofoltaig solar a thermol solar a thechnoleg Pympiau Gwres Ffynhonnell Aer.
4. Buddsoddi mewn mesurau Inswleiddio Waliau Allanol.
Mae'r rhain wedi gwella’r dosbarthiadau SAP ar ein cartrefi gan helpu i ostwng biliau ynni ein cwsmeriaid.
5. Datblygu cofrestri a chynlluniau gweithredu ar faterion Ecolegol.
Mae'r rhain yn cynnwys diogelu rhywogaethau fel ystlumod a rheoli planhigion mewnwthiol fel Canclwm Japan.
MEDDYLIWCH YN WYRDD
Mae V2C wedi neilltuo Ymchwil Mwstard (www.mustard-research.com) i gasglu eich barn chi, ein cwsmeriaid amdanom ni ac ein gwasanaethau. I wneud hyn, bydd y cwmni Mustard yn ffonio 100 cwsmer bob mis – felly mae siawns byddwch chi yn derbyn galwad ffôn.
Byddwn yn defnyddio’r wybodaeth i wella y gwasanaethau rydym yn cynnig, felly byddwch yn onest a dywedwch beth rydych yn meddwl. Os nad ydych chi eisiau cael eich cynnwys yn yr arolwg neu ddim eisiau aros i gael eich arolygu, cysylltwch trwy comments@v2c.org.uk os gwelwch yn dda.
Fel y gwyddom, gall offer trydan achosi tanau yn y cartref. Mae V2c wedi dysgu bod rhai tanau trydanol yn debygol o gael eu hachosi gan wefrwyr ffonau symudol – a gallai eitemau ailwefradwy eraill fod yn gyfrifol hefyd.
Mae Pennaeth Tân wedi rhybuddio na ddylai gwefrwyr ffonau symudol gael eu plygio i mewn dros nos a bod tanau wedi digwydd pan fod gwefrwyr ffonau wedi cael eu gadael yn y plwg wedi'u troi ymlaen – hyd yn oed pan nad oeddent wedi'u plygio i mewn i ffôn symudol.
Aeth y Pennaeth Tân yn ei flaen i ddweud, “Mae'r achosion hyn yn amlygu'r perygl o danau trydanol – gallant ddigwydd unrhyw bryd, yn unrhyw le. Peidiwch fyth â gadael eitemau yn cael eu gwefru, neu heb neb yno, am gyfnodau hir – a gwnewch yn siŵr bod y plwg i'r gwefrydd wedi ei ddiffodd hyd yn oed os nad yw wedi ei gysylltu â'ch ffôn/eitem drydanol.” Ychwanegodd, “Peidiwch fyth â chyfnewid gwefrwyr – defnyddiwch yr un cywir bob tro a dilynwch gyfarwyddiadau a chanllawiau'r gwneuthurwr bob amser wrth ddefnyddio eitemau trydan. Diffoddwch nhw a datgysylltu'r plwg cyn i chi fynd i'r gwely.” Os bydd tân, yn digwydd, “Ein cyngor yw eich paratoi eich hunan cystal â phosibl ar gyfer achos tân – trwy sicrhau bod larymau mwg sy’n gweithio wedi'u gosod yn eich cartref a bod gennych lwybrau dianc clir fel y gallwch chi a'ch teulu adael eich cartref cyn gynted â phosibl.”
Dywedodd yr arbenigwr mewn materion defnyddwyr, Dominic Littlewood, hefyd y gall gadael unrhyw beth ar y gwefrydd am amser hir fod yn hynod o beryglus gan ei fod yn achosi perygl tân.
Meddai Mr Littlewood, “Nid dim ond y ffaith ein bod yn gwefru ein ffonau am oriau sy’n destun pryder, ond hefyd ble rydym yn eu gadael.’’
Mae Dom yn awgrymu'n gryf na ddylai pobl gysgu gyda'u ffonau yn y gwely – mae pobl yn rhoi eu dyfeisiau dan eu clustog fel y byddant yn clywed eu cloc larwm yn y bore.
Gallai gwneud hyn fod yn berygl tân – gyda batri’r ffôn yn cynhesu wrth iddo wefru a chreu'r posibilrwydd o roi'r dillad gwely ar dân.
Yn lle hynny, meddai Dom, dylem osod ein ffôn ar soser, oherwydd os bydd yn poethi wedyn, ni fydd y tsieni'n mynd ar dân ac rydym yn fwy diogel.
Ond mae'r arbenigwr defnyddwyr hefyd yn dweud y gallai gwefru eich ffôn dros nos achosi difrod tymor hir i'r batri.
Yn ôl PC Advisor, dylech chi fyth wefru'r batri'r holl ffordd i 100 y cant. Mae hyn oherwydd bod ailwefru'n llawn drwy'r amser yn byrhau oes y batri. Mae hefyd yn bwysig nad ydych yn defnyddio gwefrwyr ffonau ffug – er ei bod yn aml yn rhatach i brynu gwefrwyr answyddogol, wedi'u mewnforio, gall y gost fod llawer yn uwch yn y tymor hir. Yn aml, mae gwefrwyr ffonau symudol ffug wedi'i gwneud o gydrannau o safon isel sydd ddim yn cydymffurfio a rheoliadau diogelwch y Deyrnas Unedig. Mae hyn yn golygu y gallant achosi anaf, siociau trydan a hyd yn oed tanau.
I'ch helpu i aros yn ddiogel, ewch i'r hypergyswllt isod am gyfarwyddyd
https://www.electricalsafetyfirst.org.uk/guides-and-advice/electrical-items/mobile-phone-chargers/
Diweddariad amlinellol mis Mehefin
Mae'r cartrefi ychwanegol ym Maes Y Felin, a ychwanegwyd at y rhestr eiddo wreiddiol ar gyfer contract cam 1 Wildmill, bron yn barod erbyn hyn a gellir gweld gwahaniaeth mawr mewn deufis. Wrth i gam 1 y gwelliannau allanol ddod i derfyn, mae'r ail gam ar y gweill bellach, a bydd y cartrefi cyntaf yn barod yn Nhairfelin ar ddechrau mis Gorffennaf.
Y Blociau Tri llawr ym Maes Y Felin yn fuan ar ôl i'r gwaith gychwyn
Yr un Blociau 3 llawr â’r gwaith bron wedi'i gwblhau ar ddiwedd Mehefin.
Ar ddiwedd Ebrill ac eto ar ddechrau mis Mai, cynhaliodd y Tîm Prosiectau ynghyd â'u cydweithwyr o'r tîm Adfywio, contractwyr ac ymgynghorwyr ddau ddigwyddiad ymgynghori yn y ganolfan gymunedol yng nghanolfan siopa Wildmill. Cynhaliwyd y digwyddiadau i roi gwybod i bobl ar y stad bod cam 2 y gwelliannau allanol yn Wildmill yn mynd i gael eu cyflawni. Roedd y ddau ddigwyddiad yn agored i'r holl breswylwyr a pherchenogion tai ar y stad a allai fod â diddordeb yn y gwaith. Roedd presenoldeb eithaf uchel yn y ddau ddigwyddiad a chafodd y timau brynhawn a noswaith brysur yn delio â nifer o ymholiadau a cheisiadau amrywiol.
Ar ôl yr ymgynghori, rydym wedi bod yn gweithio ar y paratoadau terfynol ar gyfer Cam 2, yn cynnwys adleoli gosodiad y safle a'r cyfleusterau lles. I wneud hyn, bu'n rhaid i ni ddymchwel safle garej yn Nhairfelin ac mae adeilad newydd wedi ei godi i ddarparu storfa ddiogel a chyfleuster lles ar gyfer y contractwyr fydd yn gweithio ar Gam 2.
Mae SERS, a benodwyd yn brif gontractwr i gyflawni Cam 2, wedi bod wrthi hefyd yn gwneud y gwaith paratoi ac wedi dechrau cysylltu â chwsmeriaid er mwyn rhoi'r trefniadau angenrheidiol yn eu lle i gyflawni'r gwaith.
Mae gennym hefyd Syrfëwr ymgynghorol, Gary Goodwin o Gsquared Surveying, sy'n gweithio ar restr o feddiannau mewn perchenogaeth breifat er mwyn rhoi cytundebau Muriau Cydrannol yn eu lle, ynghyd â rhwymedigaethau statudol eraill gyda'r perchenogion preifat sy'n byw drws nesaf i gartrefi Cymoedd i'r Arfordir. Bydd Gary ar y safle dros y misoedd nesaf yn ymweld, ac yn siarad â'r perchenogion preifat er mwyn ceisio gwneud yn siŵr y gallwn gyflawni'r gwaith yn ôl y rhaglen.
Y bwriad yw y bydd y cartrefi Cam 2 cyntaf yn dechrau yn gynnar ym mis Gorffennaf ac y bydd y sgaffaldau cyntaf wedi eu gosod a'r gwaith atgyweirio wedi dechrau.
Y sgaffald cyntaf yn cael ei osod yn Nhairfelin i gychwyn Cam 2.
Eleni rydym wedi llwyddo i gyrraedd y rhestr fer ar gyfer Gwobrau Busnes 2108 Fforwm Busnes Pen-y-bont ar Ogwr!
Rydym wedi cael ein dewis ar gyfer Gwobr Gwasanaeth Busnes y Flwyddyn 2018.
Mae'n cydnabod busnesau sydd â ffocws pendant ar y cwsmer ac sy'n gwneud rhywbeth gwahanol ar gyfer yr economi a'r gymuned leol. Darparom dystiolaeth o dystebau cwsmeriaid am wasanaeth i gwsmeriaid eithriadol, llwyddiannau nodedig a pham rydyn ni'n sefyll allan o gymharu â sefydliadau eraill ym Mhen-y-bont ar Ogwr.
Cynhelir y seremoni wobrwyo a'r cinio tei du yng Ngwesty Coed-Y-Mwstwr, Llangrallo, Pen-y-bont ar Ogwr ar ddydd Gwener, 28 Medi 2018, rhwng 7pm a 11pm.
Bydd carped coch yn aros amdanon, ynghyd â derbyniad diod a swper tri chwrs a baratowyd gan gogydd 2 Rosglwm, ac wrth gwrs, y seremoni wobrwyo hollbwysig. Bydd y digwyddiad dan lywyddiaeth Gohebydd Newyddion y BBC, Siân Lloyd gyda'r gwestai arbennig, Carwyn Jones AC, ac adloniant gan Only Boys Aloud.
Croesi bysedd drosom ar gyfer y noswaith!
Mewn erthygl ddiweddar ar Wales Online, amlygwyd y perygl o beidio â thrin croen wedi ei niweidio. Bu'n rhaid i ddyn fynd i'r ysbyty ar ôl strimio Efwr Cyffredin a chael nodd y planhigyn ar ei goesau.
Mae Efwr Cyffredin (neu Bannas y Cawr) yn tyfu ym mhobman ar yr adeg hon o'r flwyddyn, mewn caeau, gwrychoedd ac ar ymylon ffyrdd.
Nid yw mor wenwynig â'i berthynas, yr Efwr Enfawr. Gall nodd yr Efwr Enfawr niweidio'r croen ac achosi brech sy'n sensitif i olau ac a all bara am 10 mlynedd neu fwy. Yr unig leoliadau hysbys ble mae Efwr Enfawr yn tyfu yn ardal Pen-y-bont ar Ogwr yw Stormy Down, ble mae'r Cyngor yn ei drin, a Glanrhyd (heb ei gadarnhau). Os ydych yn meddwl taw Efwr Enfawr yw e’, peidiwch â'i gyffwrdd.
Gall Efwr Cyffredin roi brech gas i chi hefyd, ac fel unrhyw losg neu frech, os nad yw'n cael ei thrin, gall greu problemau.
Os ydych yn gwneud unrhyw waith strimio neu arddio yn agos i'r math hwn o blanhigyn, gwnewch yn siŵr eich bod yn gwisgo trywsus hir, crys â llewys hir, menig a gorchudd pen/wyneb.
Mynychodd ein prentis, Anya, yr Ysgol Fusnes Pop UP tra oeddent ym Mhen-y-bont ar Ogwr i ddal profiad y cwrs ac yn trosglwyddo'r wybodaeth yn ôl i chi!
Rydym yn falch o noddwyr ochr yn ochr â Chyngor Bwrdeistref Sirol Pen-y-bont ar Ogwr ac rydym wedi bod yn falch iawn o'r ymateb.
Diolch i bawb a fynychodd a gwneud y profiad yn bosib.
Darllenwch am ei bythefnos yma.
Eleni rydym yn cefnogi Ty Hafan fel ein helusen.
Darllenwch am y daith anhygoel gan ein Cyfarwyddwr Gwasanaethau Corfforaethol a Phrentisiaid o Dy Hafan ar 2 Gorffennaf 2018.
Yr enillydd yw……….Julia o Gorneli
Derbyniodd Julia'r talebau siopa buddugol gan y Dirprwy Brif Weithredwr, Paul Ryall-Friend, yr wythnos ddiwethaf yn ei chartref ble dywedodd wrthym “Cefais fy synnu'n fawr pan dderbyniais y galwad ffôn yn dweud ‘mod i wedi ennill. Y peth cyntaf rwy'n mynd i wneud yw tretio fy hunan”
Diolch o galon i bob un o'n cwsmeriaid a'n partneriaid a gymerodd yr amser i lenwi'r arolwg byr. Cymerodd dros 600 o gwsmeriaid yr amser i lenwi'r arolwg a rhannu eu barn ar beth ddylem ei flaenoriaethu dros y pum mlynedd nesaf.
Dyma giplun o ganlyniadau'r arolwg:
Dywedoch wrthon ni:
Ar hyn o bryd rydym wrthi'n brysur yn paratoi'r cynllun terfynol y byddwn yn ei rannu ar ein gwefan ac yn Llais Newid. Felly cedwch lygad am sut rydym yn mynd i roi eich syniadau, ynghyd â rhai ein staff a'n partneriaid, ar waith.
Cynllun Prynu Nôl
Mae'r Cynllun Prynu Nôl yn ystyried prynu cyn-dai cyngor neu eiddo Cymoedd i'r Arfordir a werthwyd dan yr Hawl i Brynu. Mae hyn yn ein helpu i gynyddu nifer y tai fforddiadwy yn ardal Bwrdeistref Sirol Pen-y-bont ar Ogwr.
Pa fathau o eiddo fydden ni'n ystyried eu prynu?
Mae'n rhaid i'r mathau o eiddo rydym eisiau eu prynu fodloni'r amodau canlynol:
Byddwn hefyd yn ystyried:
Bydd Prisiwr Ardal yn cynnal arolwg ar yr eiddo i benderfynu beth yw ei farchnadwerth presennol a faint fydd yn costio i adfer yr eiddo i Safon Ansawdd Tai Cymru.
Ni fyddwn yn rhoi cynnig ar bob eiddo sy’n cael ei arolygu. Bydd unrhyw gynnig a wnawn o fewn yr ystod prisiau a roddwyd gan y Prisiwr Ardal.
Byddwn yn gweithredu fel "unrhyw brynwr arall". Mae'r gwerthwr yn gyfrifol am eu ffioedd cyfreithiol eu hun.
Os oes diddordeb gennych yn y cynllun hwn, cysylltwch â ni ar 0300 123 2100 a gofynnwch am y tîm Datblygu.
Mae'r landlord tai cymdeithasol, Cymoedd i'r Arfordir, a'r arbenigwr adeiladau modiwlaidd, Wernick Buildings, yng nghamau cynnar adeiladu wyth cartref modiwlaidd newydd ar gyfer Sarn a Thondu, ar ôl derbyn cyllid gan Lywodraeth Cymru yn ddiweddar y llynedd.
Mae'r gwaith adeiladu wedi ei wneud yn barod yn y ffatri ar Stad Ddiwydiannol Mynyddcynffig a gellir adeiladu pob cartref mewn cyn lleied â thair wythnos cyn iddo gael ei gludo i'w leoliad terfynol a’i osod.
Bydd y cartrefi modiwlaidd yn cael eu ffurfio o fodiwlau unigol wedi'u llunio mewn ffatri, a byddant yn cynnwys offer gosod, system wresogi a system drydanol. Bydd y rhain wedyn yn cael eu cludo a'u cydosod ar y safle i ffurfio tŷ gorffenedig.
O gymharu â dulliau adeiladu traddodiadol, gellir cyflenwi cartrefi modiwlaidd hyd at 50% yn gyflymach, gan leihau’r costau a'r effeithiau amgylcheddol.
Darparwyd cyllid ar gyfer y cartrefi hyn drwy'r Rhaglen Tai Arloesol sydd â’r nod o helpu i hysbysu Llywodraeth Cymru, Cymdeithasau Tai ac Awdurdodau Lleol am y math o gartrefi y dylid eu cefnogi yn y dyfodol. Bydd y prosiect yn cyfrannu at y targed o 20,000 o gartrefi fforddiadwy a bennwyd gan Lywodraeth Cymru.
Meddai'r Gweinidog Tai ac Adfywio, Rebecca Evans, “Mae'n amlwg bod Cymoedd i'r Arfordir yn awyddus i adeiladu cartrefi'r dyfodol, gan ddefnyddio dulliau adeiladu modern. Rydym yn ymrwymedig i gefnogi prosiectau fel hyn, sy'n arloesol ac yn greadigol eu hymagwedd, ac roeddwn wrth fy modd yn cael gwylio’r modiwlau'n cael eu cydosod.”
Dywedodd y Cynghorydd Patel, yr Aelod Cabinet dros Dai, “Mae ein partneriaeth hirsefydlog gyda Thai Cymoedd i'r Arfordir wedi bod yn gynhyrchiol dros ben yn darparu cartrefi o safon uchel i gymunedau lleol, ac rwy'n siŵr y bydd yr unedau modiwlaidd newydd yn llwyddiant mawr arall.”
Mae Cymoedd i'r Arfordir eisiau dweud Diolch o Galon i'n staff anhygoel sydd wedi rhoi eu hamser rhydd gyda'r nos ac ar y penwythnos i wirfoddoli gyda'u sefydliadau dewisol.
Oherwydd y gefnogaeth amhrisiadwy ganddyn nhw a gan arwyr eraill tebyg, mae eu sefydliadau'n ymdrechu i roi'r gwasanaeth gorau i'r rhai sy'n eu defnyddio.
O'r Chwith i'r Dde yn y llun gyda'n Prif Swyddog Gweithredol Donna Baddeley:
Mae Louise Percival yn gwirfoddoli gyda chlwb MMA Cefn Glas yn darparu gwasanaeth cyfrifyddu rhagorol ac yn gwneud gwaith gweinyddol y clwb. Mae ei diwydrwydd dyladwy a'i hathrylith fathemategol yn golygu y bydd pob un o’r plant a’r oedolion yn y clwb yn parhau i gael lle diogel i hyfforddi a chadw'n heini!
Mae Howard Merrett yn gwirfoddoli gyda thîm rygbi dan 8 Tondu a Chlwb Beicio Wheelers, yn hyfforddi a chymell dull o fyw egnïol ac iach. Mae agwedd ymarferol anhygoel Howard wedi cefnogi a chalonogi cymaint o bobl ac wedi helpu i wella gweithgareddau corfforol llu o rai eraill!
Mae Lynda Hance yn gwirfoddoli gyda phwyllgor rheoli Parc Murray a Thimau Ieuenctid Whitton Wanderers yn hybu a noddi'r gwelliannau anferth i'r gymuned a'i deiliaid. Trwy ei chefnogaeth a’i chyfarwyddyd cyson, mae'r Parc wedi cael byrddau hanes ac offer ffitrwydd awyr agored, tra bod Whitton Wanderers wedi cael nawdd i barhau i gael hwyl a gwneud eu gwaith gwych!
Mae Anya Ward yn gwirfoddoli gydag Ysgol Jwdo Porthcawl fel hyfforddwr cynorthwyol a gyda Thîm Pêl-droed Pobl Anabl South Cymru Devils. Mae sicrhau bod y ddau glwb yn fannau ble mae pob aelod yn cael hwyl wrth ddysgu a magu hyder yn flaenoriaeth i’r Hyfforddwyr ac
bwyllgor ac yn rhan o’u harweiniad ysbrydoledig!
Mae Marc Jones yn gwirfoddoli yng Nghlwb Rygbi Ieuenctid Pen y Banc ac mae'n cymryd rhan yn rheolaidd yn nigwyddiadau codi arian ac ymwybyddiaeth ei glwb. Ar ôl ei ymdaith ddiweddaraf i fyny Pen y Fan gyda'r clwb a chael ei anrhydeddu fel Gwirfoddolwr y Flwyddyn, roeddem yn teimlo ei fod yn addas i gydnabod yr holl waith gwych mae wedi gwneud ac y bydd yn parhau i'w wneud yn y dyfodol.
Isod gwelir lluniau o'r ymdaith gyda 50 aelod o'r clwb yn cymryd rhan ac yn codi arian ar gyfer twrnameintiau, cit a gwibdeithiau yn y dyfodol.
I goffáu blwyddyn ers y Tân yn Nhŵr Grenfell, ymdawelodd gweithwyr Cymoedd i'r Arfordir am 72 eiliad i gofio pob bywyd a gollwyd yn y trasiedi erchyll hwn!
Fel ffordd o gyfrannu at y gwaith anhygoel a wnaed gan ddynion a menywod y gwasanaethau, a'r gymuned a ddaeth at ei gilydd, cynhaliom achlysur 'gwisgo i lawr' #GreenforGrenfell a gofynnwyd i'r staff roddi o leiaf £1 yr un. Er gwaethaf y niferoedd isel yn y swyddfa'r diwrnod hwnnw, llwyddom i godi £110! Diolch o galon i bawb a gyfrannodd ac a ddaeth â môr o wyrdd i'r swyddfa!
Mae'r Cynllun Prynu Nôl yn ystyried prynu cyn-dai cyngor neu eiddo Cymoedd i'r Arfordir a werthwyd dan yr Hawl i Brynu. Mae hyn yn ein helpu i gynyddu nifer y tai fforddiadwy yn ardal Bwrdeistref Sirol Pen-y-bont ar Ogwr.
Pa fathau o eiddo fydden ni'n ystyried eu prynu?
Mae'n rhaid i'r mathau o eiddo rydym eisiau eu prynu fodloni'r amodau canlynol:
Byddwn hefyd yn ystyried:
Bydd Prisiwr Ardal yn cynnal arolwg ar yr eiddo i benderfynu beth yw ei farchnadwerth presennol a faint fydd yn costio i adfer yr eiddo i Safon Ansawdd Tai Cymru.
Ni fyddwn yn rhoi cynnig ar bob eiddo sy’n cael ei arolygu. Bydd unrhyw gynnig a wnawn o fewn yr ystod prisiau a roddwyd gan y Prisiwr Ardal.
Byddwn yn gweithredu fel "unrhyw brynwr arall". Mae'r gwerthwr yn gyfrifol am eu ffioedd cyfreithiol eu hun.
Os oes diddordeb gennych yn y cynllun hwn, cysylltwch â ni ar 0300 123 2100 a gofynnwch am y tîm Datblygu.
Rydym yn gyfrifol am reoli a chynnal yr holl leiniau o laswellt sy'n perthyn i ni, sef 526,000 metr sgwâr o gwmpas y Sir, sy'n cyfateb i 76 cae pêl-droed!
Eleni rydym wedi hurio 6 contractwr newydd i dorri'r glaswellt hwn ar ein rhan. Cymerodd hyn ychydig yn hirach na'r disgwyl ac felly bu oedi i'r gwasanaeth. Mae'n flin gennym am hyn ac am yr effaith y gallai fod wedi ei gael ar ein cymunedau lleol.
Y contractwyr torri glaswellt newydd ar gyfer pob ardal yw:
John Phillips Contractors Ltd
|
Porthcawl |
|
Pencoed, Heol Y Cyw |
|
Y Pîl, Mynyddcynffig, Cefn Cribwr |
Countrywide Grounds Maintenance Ltd
|
Ardaloedd Tref Pen-y-bont ar Ogwr, Bracla |
|
|
Cefn Glas, Bryntirion, Pen Y Fai |
|
|
Cwm Llynfi (Llangynwyd, Maesteg, Caerau) |
J S Lee Facilities Services
|
Sarn, Tondu, Bryncethin, Abercynffig, Brynmenyn |
|
|
Cwm Ogwr |
|
|
Pobl Hŷn (Rhestr Gaeedig) |
Glendale Services
|
Cwm Garw – Pontycymer, Blaengarw |
|
Gerald Davies Limited
|
Ardal Corneli |
|
APP UK
|
Cynlluniau Llety Gwarchod |
|
Gobeithio y byddwch wedi eu gweld allan o gwmpas yn barod – dylai pob llain fod wedi cael ei thorri unwaith erbyn hyn ac mae'r contractwyr nawr ar ei ffordd o gwmpas yn torri am yr eildro. Gobeithio y bydd y gwaith hwn wedi ei orffen erbyn diwedd yr wythnos hon (15 Mehefin).
Ar ôl i ni orffen torri am yr eildro, y disgwyl yw y bydd y rhan fwyaf o'r ardaloedd yn ôl ar y trac unwaith eto. Wedyn bydd y contractwyr yn torri'r glaswellt o leiaf dwywaith y mis rhwng nawr a diwedd Medi. Fel rheol byddent yn torri am y tro olaf ym mis Hydref. Caiff hyn ei asesu eto yn ddiweddarach yn y flwyddyn ac os oes angen, byddwn yn gwneud toriadau ychwanegol ym mis Hydref.
Mae pob contractwr nawr wedi arwyddo contract 5 mlynedd a gobeithio y bydd y gwasanaeth yn gwella dros y cyfnod hwn.
Os oes gennych unrhyw bryderon ynglŷn â'r gwaith torri glaswellt yn eich ardal chi rhowch alwad i Clive Thomas, Swyddog Stadau, ar 01656 762429.
Er cof am y 72 o fywydau a gollwyd ar 14 Mehefin 2017 yn y tân yn Nhŵr Grenfell, bydd Cymoedd i'r Arfordir yn distewi am 72 eiliad.
Ni fyddwn yn ateb galwadau neu e-byst ar ôl 12pm am 72 eiliad i ddangos ein parch at yr holl ddioddefwyr a gollodd eu bywydau a'u cartrefi yn y digwyddiad trasig ac erchyll hwn.
Dymunwn gydnabod dewrder anhygoel y milwyr, y byddinwragedd a phobl y gymuned a fentrodd cymaint i helpu mewn unrhyw ffordd y gallent. Mae'r ymdeimlad aruthrol o golled a galar a deimlwyd gan deuluoedd y dioddefwyr ar yr adeg honno yr un mor gryf hyd heddiw.
Gwerthfawrogwn eich cydweithrediad a'ch cefnogaeth!
Mae eich cylchlythyr Llais Newid diweddaraf wedi cyrraedd!
Cewch wybodaeth am y grant gwerth £1.8 miliwn ar gyfer cartrefi newydd ym Mhen-y-bont ar Ogwr.
Bydd Credyd Cynhwysol yn cael ei gyflwyno ym mis Mehefin – rydym yn rhoi awgrymiadau a chyngor ar sum i reoli hwn.
Y cartrefi newydd byddwn yn eu hadeiladu yn y dyfodol, a llawer, llawer mwy!
Mae pob bod dynol yn cael ei eni'n rhydd ac yn gyfartal
Diwrnod Rhyngwladol yn erbyn Homoffobia, Trawsffobia a Biffobia
17 Mai 2018
Heddiw rydym yn dathlu amrywiaeth, gan annog pobl i adrodd am drosedd casineb, ac yn dangos cydlyniad â phobl Lesbiaidd Hoyw Deurywiol Trawsrywiol (LHDT) o'r 81 o Aelod Wladwriaethau'r Cenhedloedd Unedig sy'n parhau i ystyried rhyw cydsyniol rhwng oedolion o'r un rhyw yn drosedd.
Adroddwyd am 461 o droseddau casineb cysylltiedig â chyfeiriadedd rhywiol yng Nghymru yn ystod 2016-17.
Nid yw 50% o droseddau casineb yn cael eu hadrodd o hyd.
Mae'r cynnydd yn rhannol oherwydd y nifer uwch o droseddau casineb ar adeg Refferendwm yr UE ac yn sgil ymosodiadau terfysgol.
Mae'n cael ei ddathlu ar 17 Mai i nodi pen-blwydd y penderfyniad, yn 1990, i ddileu cyfunrywioldeb o'r Dosbarthiad Rhyngwladol o Glefydau a gyhoeddir gan Sefydliad Iechyd y Byd. Hyd yn oed heddiw, amcangyfrifir bod 81 o Aelod Wladwriaethau'r Cenhedloedd Unedig yn ystyried rhyw cydsyniol rhwng oedolion o'r un rhyw yn drosedd. O blith y rhain, mae saith yn dal i ystyried bod y gosb eithaf yn erfyn effeithlon ar gyfer brwydro yn erbyn yn hyn a alwant yn ‘glefyd.’
RHOWCH WYBOD I RYWUN AM DROSEDD CASINEB
Nid yw 4 o bob 5 trosedd casineb LHDT yn cael eu hadrodd, ond gallant gael effaith dinistriol a hirbarhaol ar bobl a chymunedau. Lleisiwch eich cwyn a gofynnwch am gymorth ymarferol ac eiriolaeth drwy gysylltu â'r heddlu lleol ar 101 (999 mewn argyfwng) neu Gymorth i Ddioddefwyr (0300 3031 982 www.reporthate.victimsupport.org.uk/hate-crime/)
Rhowch wybod i rywun am droseddau casineb LHDT! Mae Cymorth i Ddioddefwyr Cymru yn darparu cymorth emosiynol, ymarferol ac eiriolaeth, ac maent yn cael adborth ardderchog gan y bobl maen nhw wedi eu helpu. Ffoniwch 24/7 ar 0300 30 31 982
Gall trosedd casineb LHDT fod ar ffurf bygythiadau geiriol, graffiti ymosodol, difrod i eiddo, ymosod, seiberfwlio, neu destunau, e-byst a galwadau ffôn sarhaus.
Mae'r heddlu'n cymryd pob trosedd casineb LHDT o ddifrif. Hyd yn oed os nad yw'n arwain at arestio rhywun, mae'r wybodaeth hon yn dal i fod yn hanfodol ar gyfer cynllunio gweithgareddau atal yn y dyfodol.
Gall plant a phobl ifanc yng Nghymru sy'n profi bwlio gwrth-LHDT gysylltu â MEIC, gwasanaeth llinell gymorth cyfrinachol, dienw ac am ddim sydd ar gael yn Gymraeg neu Saesneg, o 8am i hanner nos, 7 diwrnod yr wythnos. Gellir cysylltu â MEIC dros y ffôn, neu drwy destun SMS a negeseua gwib.
Mae eleni'n dynodi 70 mlynedd ers cyhoeddi'r Datganiad Cyffredinol o Hawliau Dynol. #CadarnDrosHawliauDynol #Standup4humanrights
Bydd ein swyddfeydd ar gau ddydd Gwener 4 Mai oherwydd diwrnod hyfforddi i'r holl staff.
Byddwn yn delio â gwaith atgyweirio brys ar y diwrnod hwn ac rydym yn eich cynghori i roi gwybod am unrhyw waith atgyweirio arall cyn, neu ar y dydd Mawrth canlynol pan fyddwn wedi mynd nôl i'r oriau gwaith arferol.
Bydd y diwrnod hyfforddi hwn yn ein galluogi i ystyried ein cynllun strategol ar gyfer y 5 mlynedd nesaf ac i gyflenwi gwasanaeth gwell i chi wrth symud ymlaen.
Ymddiheurwn am yr anghyfleuster.
I roi gwybod am waith atgyweirio brys, ffoniwch: 0300 123 2100.
Oes didddorded yn weithio yn ffilmiau nue deledu? Os felly, Cymryd rhan mewn Ei Gwaedd Fy.
Yn ddiweddar, mae'r llywodraeth wedi pasio cyfraith gan arwain at orffen yr Hawl i Brynu a'r Hawl i Gaffael. Mae postio yn cael ei anfon at bob tenant sy'n cael ei effeithio gan y penderfyniad hwn erbyn 17 Mawrth 2018, i egluro'r sefyllfa
Tai Cymoedd i'r Arfordir yn rhoi Cyfle Cyntaf i 10 Prentis.
Mae deg unigolyn lleol wedi cael eu troed ar y gris isaf yn eu gyrfaoedd dewisol, diolch i'r Gymdeithas Dai ym Mhen-y-bont ar Ogwr, Cymoedd i'r Arfordir.
Mae'r prentisiaethau'n cwmpasu amrywiaeth eang o rolau swydd fel plymio, peintio a phapuro, peirianwyr nwy a gwresogi, ynghyd â swyddi gweinyddu busnes yn yr adrannau datblygu, tai ac adnoddau dynol.
Meddai'r Prentis o Blymwr, Cory Seldon “Rwy'n teimlo'n lwcus i gael y brentisiaeth hon. Rwy'n gweithio gyda pheirianwyr crefftus a phrofiadol sy'n fy addysgu am ochr ymarferol plymio – rwy'n cael y cyfle i “wneud” y tasgau ac nid dim ond gwylio, sy'n wych.”
Dywedodd Corrina Fiddler, Partner Busnes Adnoddau Dynol V2C “I ddathlu Wythnos Genedlaethol Prentisiaethau yr wythnos hon, rydym yn symud y prentisiaid i rolau swydd gwahanol – bydd y bechgyn, sydd â rolau crefft yn draddodiadol, yn gweithio yn y swyddfa a bydd y merched yn cael profiad o ddefnyddio offer, gan roi cyfle iddynt roi cynnig ar rywbeth newydd.”
Os oes diddordeb gennych chi neu gan rywun rydych yn eu hadnabod mewn dod yn brentis Cymoedd i'r Arfordir yn y dyfodol, gwiriwch eu gwefan: http://www.v2c.cymru/about-us#Careers
Yn gynharach yr wythnos hon, agorodd preswylwyr Oakwood ym Maesteg eu parc sgrialu newydd yn swyddogol gyda dathliad a thorri rhuban i ddynodi'r digwyddiad.
Roedd grŵp o breswylwyr yn pryderu am y diffyg cyfleusterau chwarae yn eu hardal ac fe gysyllton nhw ag Achubwyr Lleoedd Gwag, prosiect sy'n ceisio gwneud defnydd gwell o fannau agored. Dros y ddwy flynedd diwethaf buont yn trafod syniadau ac awgrymiadau am sut i wella'r stad gyfan. Yna cawsant eu paru â Chwarae Cymru, elusen Gymreig sy'n canolbwyntio ar helpu plant i chwarae, er mwyn troi eu syniadau yn realiti.
Ar ôl holi’r plant ar y stad am y math o gyfleusterau chwarae byddent yn eu defnyddio, penderfynwyd creu mini-ramp ar gyfer sgwteri a beiciau BMX. Rhoddodd Tai Cymoedd i'r Arfordir (V2C) gymorth iddynt gyda'u cynlluniau a helpodd eu contractwyr i gyflenwi ac adeiladu'r ramp.
Meddai'r preswyliwr o Oakwood, Teri Davies, “Does dim diwrnod yn mynd heibio pan na fydd yn cael ei ddefnyddio – ymhob tywydd. Rydym wrth ein bodd gyda'r canlyniad ac am fod gan ein pobl ifanc rywle i chwarae ar eu sgwteri a'u beiciau trwy gydol y flwyddyn. Rydym mor ddiolchgar i V2C am ein cefnogi wrth ddechrau'r prosiect. Mae gennym lawer o syniadau o ran gwneud defnydd gwell o'r mannau agored o gwmpas ein stad, felly gwyliwch y gofod hwn!”
Meddai Rachel Lovell, Swyddog Mannau Agored V2C, “Rydym yn edmygu ymdrechion y bobl leol i wneud rhywbeth ar gyfer dyfodol eu plant ac edrychwn ymlaen at weithio gydag ardaloedd eraill yn y fwrdeistref i wneud yr un peth”.
Mae staff a chwsmeriaid Tai Cymoedd i'r Arfordir (V2C) wedi llenwi arolygon i godi arian ar gyfer Canolfan Hunangymorth Sandville.
Mae'r arolygon hyn yn gofyn amrywiaeth o gwestiynau ynglŷn â'r gwasanaethau mae V2C yn eu darparu, a beth yw eu canfyddiad cyffredinol. Am bob arolwg a lenwyd rhoddodd V2C £1 i elusen fel cymhelliant i lenwi'r arolwg.
Mae Sandville yn agored i’r holl bobl sy'n dioddef o anawsterau, gan gynnig cymorth mewn awyrgylch digyffro a hapus iawn. Dewiswyd yr elusen hon gan fod nifer o'n cwsmeriaid a'n staff wedi defnyddio'r ganolfan ar hyd y blynyddoedd.
Meddai Gwyneth Poacher, Cyfarwyddwr Canolfan Sandville, “Ar ran pawb yng Nghanolfan Hunangymorth Sandville, hoffwn ddiolch o galon i V2C am y rhodd hael iawn a gyflwynwyd i ni heddiw. Hoffwn ychwanegu diolch personol hefyd a dweud mor freintiedig y teimlaf am mai ein helusen ni gafodd ei dewis i elwa oherwydd eu harolwg.”
O Chwefror 2018 ymlaen, bydd V2C yn ffonio cwsmeriaid i gasglu adborth ar ein gwasanaethau a byddwn yn defnyddio'r wybodaeth hon i wneud gwelliannau. Os hoffech ymeithrio, neu os hoffech gael dweud eich dweud heb aros am yr arolwg, cysylltwch â V2C drwy anfon e-bost at comments@v2c.org.uk.
Mae gennym gyfle cyffrous i rywun sydd eisiau sefydlu busnes yn ardal Gogledd Corneli.
Mae'r uned ar rodfa fach ar Heol Llan, Gogledd Corneli. Mae pum siop yn y rhodfa, yn cynnwys Megasave Superstore, siop trin gwallt a siop prydau parod ac mae gan bob un lain mawr o barcio oddi ar y stryd.
Mae'r siop yn 50 metr sgwâr, ac ar hyn o bryd mae'n cynnwys man adwerthu, man cyfarfod a thoiled.
I gael rhagor o wybodaeth am y siop, cysylltwch â'n Hasiant Eiddo:
Ian McGaw, ar 07815726804 neu anfonwch e-bost at ianriproperties@gmail.com
Yn ystod mis Rhagfyr anfonom neges gyda chyfarchion yr ŵyl i'n cwsmeriaid gan roi gwybod iddynt am oriau agor ein swyddfa dros y Nadolig. Aeth hon allan at 4,653 o'n cwsmeriaid gan ddefnyddio ein technoleg SMS/testunau newydd. Helpodd ni i bennu nifer y rhifau ffôn symudol sydd gennym a bydd yn ein helpu ymhellach i gyfathrebu drwy destun yn y Flwyddyn Newydd.
I gymell ein cwsmeriaid i ateb y neges testun, cynigiom wobr o £100 mewn talebau am ymateb.
Yr enillydd lwcus oedd Mrs Eileen Riddiford a agorodd y testun ar Ŵyl San Steffan heb iddi sylweddoli ei bod wedi rhoi cynnig hyd yn oed. Dywedodd, “Roeddwn wedi synnu'n fawr pan ffoniodd V2C – roeddwn wedi anghofio fy mod wedi rhoi cynnig am fod hyn mor hawdd. Derbyniais y testun, a diwrnod neu ddau wedyn cliciais ar y ddolen – mor syml â hynny. Dwi erioed wedi gwneud rhywbeth fel hyn o'r blaen ond byddwn yn bendant yn ei wneud eto – roedd ennill yn syrpréis hyfryd ar ôl y Nadolig a bydd yn helpu gyda'n siopa”
Meddai Mike Bell, Arweinydd y Tîm Systemau Busnes, “Mae'r dechnoleg hon, y mae Cymoedd i'r Arfordir wedi ei mabwysiadu'n ddiweddar, yn un gyffrous ac mae'n ein helpu i symud ymlaen i sefydlu perthnasau a sianeli cyfathrebu mwy clos gyda'n cwsmeriaid. Rydw i wedi ymweld ag Eileen a'i theulu heddiw i gyflwyno'r talebau gwerth £100 iddi. Roeddwn i'n falch iawn o glywed pa mor hawdd oedd rhoi cynnig i ennill y wobr, doedd hi ddim hyd yn oed yn cofio gwneud hynny, felly rhaid bod y broses yn un hwylus.”
Gwnewch yn siŵr bod gennym eich manylion cyswllt diweddaraf fel y byddwch chi hefyd yn gallu cystadlu yn y dyfodol, ac i sicrhau eich bod yn derbyn negeseuon gennym ynghylch y gwasanaethau a ddarparwn.
Oddi wrth yr holl staff yma yng Nghymoedd i’r Arfordir.
Bydd ein swyddfeydd yn cau am 5pm ddydd Gwener 22 Rhagfyr a byddant yn ailagor am 9am ddydd Mawrth 2 Ionawr 2018.
Os oes angen rhoi gwybod am waith atgyweirio argyfwng yn ystod y cyfnod hwn, ffoniwch 0300 123 2100.
Ewch Ar-lein am gyn lleied â £99 y Nadolig hwn gyda Chyfrifiaduron, Rhwydlyfrau a Gliniaduron Windows 10 wedi’u Hailwampio
Mae Get Online @ Home yn cynnig bargeinion ardderchog y Nadolig hwn i’ch helpu i gael cyfrifiadur fforddiadwy, parod am y rhyngrwyd, yn eich cartref.
Os oes diddordeb gennych yn y cynigion hyn, ffoniwch:
03719 100 100
Dydd Llun – Dydd Gwener rhwng 8:30AM - 5:00PM
Neu gallwch weld rhagor o gynigion yma: http://www.getonlineathome.org/
Ar hyn o bryd mae Cymoedd i’r Arfordir yn gwerthu 4 cartref newydd, sy’n cael eu hadeiladu gan Barratt yn ardal Cefn Glas, Pen-y-bont ar Ogwr.
Mae’r cartrefi’n cael eu gwerthu ar sail Perchentyaeth Cost Isel, sy’n golygu eich bod chi’n prynu 70% o’r cartref ac mae V2C yn talu’r 30% arall.
Mae hyn yn helpu prynwyr am y tro cyntaf i brynu eu cartref cyntaf am bris fforddiadwy.
Os oes diddordeb gennych mewn prynu un o’r cartrefi hyn, cysylltwch â
Peter Alan – Pen-y-bont ar Ogwr
01656 65720
 |
35 Pen Y Berllan |
 |
36 Pen Y Berllan |
 |
39 Pen Y Berllan |
| |
40 Pen Y Berllan |
Rydym bellach yn aelod o'r Sefydliad Gwasanaeth i Gwsmeriaid (ICS), sef corff proffesiynol ar gyfer Gwasanaeth i Gwsmeriaid sy'n helpu ei aelodau i wella profiad cyffredinol eu cwsmeriaid.
Yn V2C mae ein cwsmeriaid wrth galon popeth a wnawn ac rydym bob amser yn chwilio am ffyrdd arloesol o wella hyn. Gyda chymorth ICS, byddwn yn e-bostio arolwg byr 5 i 10 munud i'n cwsmeriaid cyn hir. Bydd hwn yn ein helpu i ddeall pa wasanaethau rydym yn eu cyflenwi'n dda neu ddim mor dda. Drwy wneud hyn byddwn yn gallu gweld beth sydd angen i ni ei wella fel y bydd ein gwasanaeth i gwsmeriaid yn ardderchog dro ar ôl tro.
Bydd pob ymateb yn hollol gyfrinachol felly gallwch fod yn gwbl onest gyda'ch adborth. Fel diolch i chi bydd V2C yn gwneud rhodd elusennol o £1 i Sandville ar gyfer pob arolwg a dderbyniwyd wedi'u cwblhau. Mae Sandville yn elusen annibynnol a hunan-ariannol sy'n agor ei drysau i bawb sy'n dioddef anawsterau. Ewch i www.sandville.org.uk eu gwefan neu ffoniwch nhw ar 01656 743344 i ddarganfod mwy.
Gwnewch yn siŵr bod gan V2C eich cyfeiriad e-bost diweddaraf fel y gallwch dderbyn yr arolwg hwn, neu os nad oes gennych gyfeiriad e-bost cysylltwch â mi yn uniongyrchol: Michael Hughes, Uwch Swyddog Perfformiad, ar 01656 727948 neu ffoniwch ein Tîm Gwasanaeth i Gwsmeriaid ar 0300 123 2100.
Mae gwybodaeth ychwanegol am ICS ar gael ar eu gwefan yma: https://www.instituteofcustomerservice.com/
Ar ddydd Llun 30 Hydref, bu rhai o staff V2C’n cydweithio gydag aelodau o Glwb Bechgyn a Merched y Betws i beintio'r neuadd chwaraeon a thrawsnewid y tir y tu allan i'r clwb.
Rhoddodd tua 20 o bobl ifanc a 12 o staff V2C eu prynhawn i wirfoddoli drwy beintio waliau, clirio annibendod, sgrafellu, lledaenu graean, a symud, llenwi a phlannu gwelyau blodau. Rhoddodd Nolan skips gynhwysydd mawr a gafodd ei lenwi'n gyflym ag eitemau diangen. Gwnaed y dodrefn patio a'r gwelyau plannu gan Mr Elwyn Dunster sy'n wirfoddolwr yn y clwb ac yn breswyliwr lleol, a rhedodd Sasha Ufnowska, o Wild Spirit, weithdai cerfio pwmpenni i baratoi ar gyfer dathliadau Nos Galan Gaeaf.
Meddai Rob Williams o BBGC:
”Mae Clwb Bechgyn a Merched y Betws, sydd newydd gael ei ailwampio, ynghyd ag NSA Afan yn dymuno diolch i staff V2C a'r contractwyr a wirfoddolodd yn ddiweddar i wneud gwaith cynnal a chadw pwysig yn y clwb. Trefnwyd prynhawn o wirfoddoli i wella rhan o'r tu mewn a thiroedd y clwb a Village Lodge. Bu llawer o bobl ifanc hefyd wrthi'n clirio chwyn a rwbel, yn peintio a thirlunio. Er ei fod yn waith caled, cafodd pawb ddiwrnod ardderchog ac mae BBGC eisiau diolch i V2C am eu gwaith cefnogi parhaus a'u cyfraniad i'r gymuned".
Mae V2C, ar y cyd â'r arbenigwr adeiladau modiwlaidd, Wernick Buildings, wedi derbyn cyllid gan Lywodraeth Cymru i adeiladu wyth cartref modiwlaidd yn Sarn a Thondu.
Bydd y gwaith adeiladu'n dechrau yn 2018 yn safle cynhyrchu arbenigol Wernick Buildings ar Stad Ddiwydiannol Mynyddcynffig. Bydd y cartrefi modiwlaidd yn cael eu ffurfio o fodiwlau unigol sy’n cael eu hadeiladu yn y ffatri, ac sy’n cynnwys offer cegin gosod, system wresogi a system drydanol. Bydd y rhain wedyn yn cael eu cydosod ar y safle adeiladu i ffurfio tŷ gorffenedig. O gymharu â dulliau adeiladu traddodiadol, gellir cyflenwi cartrefi modiwlaidd hyd at 50% yn gyflymach, gan leihau’r costau a'r effeithiau amgylcheddol.
Darparwyd cyllid ar gyfer y cartrefi hyn drwy'r Rhaglen Tai Arloesol sydd â’r nod o helpu i hysbysu Llywodraeth Cymru, Cymdeithasau Tai ac Awdurdodau Lleol am y mathau o gartrefi y dylid eu cefnogi yn y dyfodol. Bydd y prosiect yn cyfrannu at y targed o 20,000 o gartrefi fforddiadwy a bennwyd gan Lywodraeth Cymru.
Dywedodd yr Ysgrifennydd dros Gymunedau a Phlant “Mae'r sector tai yng Nghymru yn wynebu llawer o heriau. Ymhlith y rhai amlycaf, mae cynyddu nifer y cartrefi sydd ar gael, y gyfradd gyflenwi a'u fforddiadwyedd, ac ar yr un pryd lleihau eu heffaith ar yr amgylchedd. Bydd y prosiectau a ariennir gan y Rhaglen Tai Arloesol yn ein helpu i ddysgu beth sy'n gweithio orau a pham, o ran pa adeiladau ddylen ni eu hadeiladu a sut rydym yn eu hadeiladu. Bydd y prosiectau hyn hefyd yn dangos sut gallwn ddefnyddio'r gadwyn gyflenwi yng Nghymru i ddatgloi'r cyfleoedd anferth ar gyfer twf ac arloesedd mewn tai.”
Meddai Darrin Davies, Cyfarwyddwr Datblygu Cynorthwyol V2C, “Fel y landlord cymdeithasol mwyaf ym Mhen-y-bont ar Ogwr, rydym yn hynod falch o dderbyn y cyllid gan y bydd yn ein helpu i ddarparu cartrefi fforddiadwy mawr eu hangen ym Mhen-y-bont ar Ogwr. Edrychwn ymlaen at weithio gyda Wernick, Llywodraeth Cymru a Chyngor Bwrdeistref Sirol Pen-y-bont ar Ogwr ar y prosiect”
Eleni dathlom lwyddiant y flwyddyn ddiwethaf gyda digwyddiad ffotograffiaeth i’n cwsmeriaid a gynhaliwyd yng Ngholeg Pen-y-bont ar Ogwr.
Yn ystod 2016-17, rydym wedi datblygu 32 o gartrefi newydd, parhau â'n rhaglen gwella cartrefi, cychwyn y broses o osod larymau carbon monocsid mewn cartrefi a chefnogi 7 prentis newydd drwy'r holl sefydliad.
Rydym wedi parhau i gydweithio'n agos â phartneriaid fel Achubwyr Lleoedd Gwag, Cadwch Gymru'n Daclus a Gemau Stryd i wneud cymunedau'n lleoedd gwell i fyw ynddynt, ac rydym wedi datblygu rhaglen ddigidol newydd fel y gall ein cwsmeriaid gyfathrebu'n haws gyda ni.
I ddathlu'r llwyddiannau hyn cynhaliwyd cystadleuaeth ffotograffiaeth yn ystod mis Gorffennaf ac Awst ble gallai trigolion Pen-y-bont ar Ogwr anfon lluniau o ble maen nhw'n byw. Yna arddangoswyd y lluniau yng Nghyfarfod Cyffredinol Blynyddol V2C, a derbyniodd yr enillwyr lun wedi'i fframio a thaleb rhodd.
Daeth myfyrwyr Celfyddydau Perfformiadol Coleg Pen-y-bont ar Ogwr i helpu ar y noson drwy arddangos eu sgiliau dawnsio a bu'r myfyrwyr Lletygarwch wrthi'n paratoi a gweini lluniaeth.
Meddai Gwen Harding, enillydd y wobr neges ffotograffig greadigol, “I minnau, roedd y profiad cyffredinol yn anhygoel!! Teimlwn yn nerfus wrth i bob categori gael ei gyhoeddi, a phan enillais roeddwn yn ecstatig. Feddyliais i fyth y byddwn yn ennill rhywbeth.”
Dywedodd y rhiant balch, Tracey Everton, wrthym, “Roedd yn hyfryd gweld yr holl luniau ar y byrddau wrth i ni gyrraedd ac eto ar y sgrin fawr! Mae'r llun a anfonodd fy mab, Brady, o werth personol i ni ac roedd gweld y llun ar y sgrin fawr yn anhygoel!! Roedd Brady mor falch!! Diolch”
Mae'r wefan ble rydym yn hysbysebu ein heiddo wedi newid bellach i HOMEHUNT, sydd yn wefan hysbysebu eiddo genedlaethol.
Bydd HOMEHUNT yn caniatáu i chi weld mwy o fanylion ynglŷn â'r cartrefi rydym yn eu hysbysebu, ble maen nhw, manylion am ysgolion lleol, cysylltiadau trafnidiaeth a chyfleusterau cymunedol.
Bydd angen i chi gofrestru ar HOMEHUNT a gofynnir i chi roi manylion am eich anghenion tai, eich teulu a pha fath o gartref rydych yn chwilio amdano.
Pan fyddwn yn hysbysebu eiddo sy'n cyd-fynd â'ch gwybodaeth byddwch yn derbyn rhybudd sy'n gofyn a oes diddordeb gennych yn y cartref hwn ac a hoffech gael eich ystyried ar ei gyfer.
Bydd yr hysbyseb am yr eiddo yn dweud wrthych faint o bobl arall sydd wedi dangos diddordeb yn y cartref. Wedyn byddwn yn penderfynu pwy sy'n cyd-fynd orau â'r cartref hwn ac yn gwneud cynnig iddynt. Os nad ydych yn llwyddiannus byddwn yn rhoi gwybod i chi.
Os nad oes gennych fynediad i'r rhyngrwyd neu os nad ydych yn hyderus wrth ei ddefnyddio, gallwn roi cymorth i chi. Ffoniwch 0300 123 2100 a byddwn yn trefnu i rywun eich helpu.
Ewch i wefan HOMEHUNT yn: www.homehunt.co.uk
Cawsom ein bendithio â haul yr wythnos ddiwethaf wrth i ni ymuno â chontractwyr Centregreat i helpu i glirio'r ardd yng Nghylch Chwarae Dechrau'n Deg Y Garth, Maesteg. Roedd yr ardd yn anwastad ac wedi tyfu'n wyllt, felly roedd yn anaddas i blant dwy a thair blwydd oed chwarae allan ynddi.
Aethom ati i wastatáu tiroedd yr ardd, tocio planhigion, creu gwesty bygiau a llain lysiau, a deuthum ar draws patio cudd a gafodd ei adfywio. Ychwanegwyd pwll tywod a drychau awyr agored i greu'r ffactor ‘waw’.
Daeth Centregreat â chloddiwr bychan gyda nhw i'r digwyddiad gan ddifyrru’r rhai bychain wrth iddynt wylio’u gardd yn cael ei gweddnewid.
Dywedodd Carolanne Jones, sy'n weithiwr gofal plant "Dwi ar ben fy nigon! Nawr mae gennym le tu allan anhygoel i’w ddefnyddio. Mae'n golygu y gallwn gynnal gwersi awyr agored, dechrau tyfu llysiau a pherlysiau, gwylio natur, a mwynhau bod y tu allan! Mae'r plant yn ysu am wisgo'u welintons!"
Meddai Rachel Morton, Swyddog Adfywio Cymoedd i'r Arfordir “Rydym yn chwilio am y cyfleoedd hyn trwy gydol y flwyddyn er mwyn medru gweithio gyda'n contractwyr ar brosiectau yn ein cymunedau. Roedd yn wych cael gwneud rhywbeth dros y plant bach yn Y Garth. Gobeithio y byddant yn ei fwynhau.”
Rydym wrth ein bodd o gyhoeddi penodiad Donna Baddeley fel ein Prif Weithredwr newydd.
Mae gan Donna brofiad helaeth ac amrywiol o’r sector gofal a thai cymdeithasol. Yn ei rôl flaenorol roedd yn Brif Weithredwr Gwasanaethau Corfforaethol a Chwsmeriaid yn y Curo Housing Group yng Nghaerfaddon. Roedd ei chyfrifoldebau’n cynnwys gwasanaeth i gwsmeriaid, cymell gweithwyr, rheoli perfformiad, iechyd a diogelwch, adnoddau dynol, cyfathrebu, TG a marchnata.
Meddai Donna: “Rwy’n edrych ymlaen yn fawr at ymuno â thîm rhagorol V2C wrth i ni chwilio am ffyrdd newydd i osod ein cwsmeriaid yng nghanol yr hyn a wnawn er mwyn medru darparu cartrefi dymunol mewn cymunedau sy’n ffynnu.”
Ymunodd Donna â V2C yn gynharach y mis hwn pan adawodd Stephen Cook, ein Prif Weithredwr blaenorol, ei swydd ar ôl 9 mlynedd gyda V2C.
Meddai Cadeirydd V2C, Neil Harries: “Rwy’n falch iawn bod Donna’n ymuno â V2C fel Prif Weithredwr. Rwy’n siŵr y bydd hi’n rhagori yn ei rôl newydd, Mae ganddi gyfoeth o brofiad mewn tai i’w rannu â ni, ac mae’r Bwrdd yn edrych ymlaen at gydweithio gyda Donna i gwrdd â’r heriau sydd o’n blaen ac i gefnogi ein cwsmeriaid.”
Cyfle i ennill talebau gwerth £50 talebau – drwy roi eich barn i ni!!
Mae Llywodraeth Cymru wedi gofyn i Fyrddau'r holl Gymdeithasau Tai yng Nghymru gynhyrchu datganiad, a'i rannu gyda'u tenantiaid, yn esbonio sut maent yn credu bod eu sefydliad yn perfformio.
Rhowch gip arno – dim ond gwaith munud neu ddwy fydd hwn oherwydd, yn lle cynhyrchu dogfen hir, ffurfiol, mae'r Bwrdd wedi cynnwys y cyfan mewn un poster A3.
Rydym wedi penodi Cyfarwyddwr Gweithrediadau a Chyfarwyddwr Adnoddau newydd.
Penodwyd Paul Ryall-Friend yn Gyfarwyddwr Gweithrediadau ac mae'n Ddirprwy Brif Weithredwr V2C. Ymunodd â'r cwmni ym mis Mawrth.
Mae Paul wedi gweithio o’r blaen fel Cyfarwyddwr Strategaeth a Chynllunio yng Ngrŵp Tai Curo yng Nghaerfaddon. Cyn ymuno â'r sector tai yn 2012 roedd Paul yn gweithio mewn cysylltiadau cwsmeriaid yn y diwydiant bancio.
Mae penodiad Paul yn rhan o raglen trawsnewid sylweddol ble bydd y cwmni'n hybu arloesedd, dylunio sy’n canolbwyntio ar y cwsmer ac ymagwedd ‘digidol yn gyntaf’ at fusnes. Bydd hefyd yn arwain y cwmni wrth gyrraedd ei nodau a'i gynlluniau strategol.
Penodwyd Sarah Prescott yn Gyfarwyddwr Adnoddau ac mae'n Ysgrifennydd Cwmni i V2C. Ymunodd Sarah â'r cwmni ym mis Gorffennaf 2017, yn olynydd i Alun Rawlins a fydd yn ymddeol ym mis Medi.
Swydd flaenorol Sarah oedd Cyfarwyddwr Cyllid a TGCh ar gyfer Cymdeithas Dai Cymunedol Caerdydd, a chyn hynny roedd yn Gyfarwyddwr Cyllid Cynorthwyol yn Gwalia (a elwir y ‘People Group’ nawr), a hefyd yn Gyfarwyddwr Cyllid i Tenovus, yr elusen ganser.
Meddai Cadeirydd Cymoedd i'r Arfordir, Neil Harries: “Rydym yn falch iawn ein bod wedi gwneud dau benodiad mor gryf yn ein Tîm Gweithredol ac rydym yn credu y bydd y ddau yn ased mawr i Gymoedd i'r Arfordir a'i gwsmeriaid.”
Ychwanegodd Stephen Cook, y Prif Swyddog Gweithredol: “Mae Paul a Sarah yn ffitio'n dda iawn yn niwylliant a gwerthoedd Cymoedd i'r Arfordir, gan fod ganddynt ffocws cryf ar wasanaeth i gwsmeriaid a'n pwrpas elusennol, ar y cyd â ffocws masnachol craff hefyd.”
Ymgynghoriad ar 'Gwybodaeth i denantiaid landlordiaid cymdeithasol' – Bil Diddymu'r Hawl i Brynu a Hawliau Cysylltiedig (Cymru)
Mae Llywodraeth Cymru eisiau cael barn tenantiaid ar y wybodaeth y bydd landlordiaid cymdeithasol yn ei dosbarthu os bydd diddymu'r Hawl i Brynu yng Nghymru yn dod yn ddeddf.
Maent eisiau gwybod os yw'r ddogfen:
Dilynwch y ddolen i'r fersiwn Cymraeg neu Saesneg a rhowch eich barn drwy anfon e-bost at david@tpas.cymru neu ffoniwch 01492 593046.
Byddwn yn Canolfan Gymunedol Wildmill
12 Gorffennaf, 2-7pm i siarad â chi am:
Y GWAITH ADNEWYDDU ALLANOL AR EICH CARTREF
Dewch yn eich blaen i sgwrsio â staff o'n timau tai a chynnal a chadw am y gwaith adnewyddu allanol ar eich cartref chi a/neu eich cymdogion.
Bydd gennym sampl hefyd o'r deunyddiau rydym yn bwriadu eu defnyddio ynghyd â gwybodaeth dechnegol am y broses osod ac, yn bwysicach, am eu diogelwch.
Neu gallwch gysylltu â ni yn y swyddfa gydag unrhyw gwestiynau sydd gennych:
0300 123 2100
comments@v2c.org.uk
www.v2c.org.uk
@valleystocoast
Eich diwrnod anifeiliaid anwes lleol yn ôl o 11 i 14 Gorffennaf â sefydliadau mawr i chi dderbyn y cymorth gorau a chyngor ar gyfer eich cŵn a chathod cariadus!
Byddwn yn y lleoliadau canlynol:
Dydd Mawrth 11 Gorffennaf 10 am-5 pm
Canolfan Gymunedol Gorllewin, Cefn Glas
Dydd Mercher 12 Gorffennaf 10 am-5 pm
Canolfan Gymunedol Wildmill
Dydd Iau 13 Gorffennaf 10 am-5 pm
Pwll nofio y Pîl
14 Gorffennaf i ddydd Gwener 9 am-4 pm
Canolfan gymunedol Caerau, Maesteg
Cydio apwyntiad gyda y
Gwirio PDSA nyrs milfeddyg ar gyfer anifail anwes cŵn am ddim.
Bydd Ymddiriedolaeth Cŵn yn y digwyddiad a darparu ficrosglodynnu rhad ac am ddim a chyngor ar ddiweddaru manylion eich ci sglodion.
Bydd gwarchod cathod yn y digwyddiad a darparu talebau ar gyfer eich cath fach neu cathod ysbaddu am ddim hefyd.
Hefyd cael cyfle i ennill £50 cariad i talebau siop am roi inni eich sylwadau yn unig!
Bydd ein tîm materion arian yma hefyd ar gyfer eich cyngor ariannol a tai a chefnogaeth.
Ewch i'n tudalen Reggie Roadshow Facebook a twitter ar gyfer holl ddigwyddiadau sydd ar y gweill:
https://www.Facebook.com/Reggieroadshow/
https://Twitter.com/Reggieroadshow
Noder: dim ond cŵn ar dennyn diogel Gall fynychu digwyddiadau, ond bydd pob cyngor yn cael diolch holl berchenogion anifeiliaid anwes.
Aeth gwirfoddolwyr ati gyda'u brwshys paent a'u hoferôls i dwtio ysgol iau yng Nghefn Glas, Pen-y-bont ar Ogwr
Agorodd Ysgol Iau Llangewydd ei drysau i Dai Cymoedd i'r Arfordir (V2C) a Jistcourt De Cymru ar gyfer ‘Diwrnod Rhoi ac Ennill’ 2017. Roedd gwaith y prynhawn yn cynnwys rhoi côt o baent i'r ffensys, addurno'u ‘stiwdio radio’ newydd ac ychwanegu at y waliau o flodau sy'n amgylchynu’r ysgol.
Meddai Neil Clode, Pennaeth Ysgol Iau Llangewydd “Roedd pob un ohonom yn Ysgol Iau Llangewydd wrth ein bodd o gael manteisio ar y ‘Diwrnod Rhoi ac Ennill’ a drefnwyd gan V2C a Jistcourt. Gwnaethant gymaint o waith ac roedd yn ymddangos bod pawb wedi mwynhau'r awyrgylch hamddenol yn yr ysgol.”
Dywedodd Emma Norman o Jistcourt, ‘Roedd yn bleser llwyr cael cymryd rhan yn niwrnod Rhoi ac Ennill V2C. Buom yn gweithio fel tîm i wneud gwelliannau i'r gatiau, ffensys a'r waliau yn yr iard, a llwyddom i beintio Bwth Radio newydd Blwyddyn 6 hefyd!’
Meddai Rachel Morton o Adfywio Cymunedol V2C, “Roedd yn hyfryd cael ychwanegu rhywbeth at y gwaith gwych mae'r rhiant wirfoddolwyr a Jan o Bethesda Arts yn ei wneud yn barod yn yr ysgol. Mae V2C yn buddsoddi llawer o amser ac egni yn ein cymunedau, ac mae cael gweithio gyda'n contractwyr er budd ysgol leol yn elfen gadarnhaol dros ben.”
Mae’r digwyddiad rhyngwladol blynyddol hwn yn rhoi cyfle i fusnesau weithio ar broject lleol sydd o fudd i'r gymuned. Mae Jistcourt yn gweithio ar adnewyddu fflatiau i Gymoedd i'r Arfordir yng Nghefn Glas ac roedd eisiau rhoi buddion ychwanegol i Ysgol Llangewydd.
O 5 Mehefin 2017 ymlaen, bydd gwasanaeth newydd gwell i gasglu deunydd ailgylchadwy oddi ar ochr y ffordd yn cael ei gyflwyno i aelwydydd Bwrdeistref Sirol Pen-y-bont ar Ogwr. Bydd hyn yn caniatáu i ni gyrraedd y targedau ailgylchu newydd a osodwyd gan Lywodraeth Cymru.
Y targed ar gyfer 2015-16 oedd 58 y cant, ond bydd yn 64 y cant erbyn 2020, ac yna’n 70 y cant erbyn 2025. Mae targed hefyd wedi’i osod i beidio â chynhyrchu gwastraff tirlenwi o gwbl erbyn 2050.
Bydd y newidiadau i ailgylchu gwastraff y cartref yn cynnwys y canlynol:
Cynhwysyddion ailgylchu newydd
Bydd sach oren newydd yn cael ei gyflwyno i ailgylchu cardbord, a sach gwyn newydd ar gyfer papur. Byddwch hefyd yn cael cadi du newydd, sy’n debyg i’r cadi gwastraff bwyd mawr, ar gyfer ailgylchu gwydr. Bydd y cynhwysyddion newydd hyn yn disodli’r ddau flwch du, na fydd yn cael eu defnyddio mwyach. Rhagor o gyngor ar beth i’w wneud gyda’ch bocsys du maes o law.
Bydd y cynhwysyddion a ddefnyddir i ailgylchu gwastraff bwyd yn aros yr un fath - un cadi brown bychan (gyda bagiau gwyrdd y gellir eu compostio) ar gyfer y tu mewn i’r cartref, ac un cadi brown mawr a gesglir oddi ar ochr y ffordd. Bydd eich sach glas ar gyfer storio plastig a metel hefyd yn aros yr un fath. Caiff aelwydydd roi faint bynnag o ddeunydd ailgylchu ag y dymunant allan i’w gasglu, a gallwch gael mwy o sachau a blychau wrth ofyn amdanynt.
Cyfyngiad newydd o ddau fag ar gyfer gwastraff
Bydd cartrefi â hyd at bum preswylydd yn cael eu cyfyngu i daflu hyd at ddau fag gwastraff bob pythefnos. Ni fydd bagiau du yn cael eu defnyddio mwyach, oherwydd bydd yr holl drigolion yn cael cyflenwad o fagiau o liwiau a brandiau penodol ar gyfer cael gwared â’u gwastraff.
Pan fo chwech neu saith preswylydd ar un aelwyd, ceir gofyn am un bag gwastraff ychwanegol bob pythefnos, a bydd aelwydydd ag wyth unigolyn neu fwy yn cael gofyn am ddau fag gwastraff ychwanegol bob pythefnos.
Bydd un bag ychwanegol hefyd yn cael ei ddarparu i gartrefi lle y defnyddir tanau glo sy’n cynhyrchu lludw fel y brif ffynhonnell o wres, a bydd deiliaid tai cymwys yn parhau i gael gwasanaeth casglu â chymorth.
I gofrestru ar gyfer y dosbarthiadau ychwanegol, ffoniwch 01656 643643 neu anfonwch neges e-bost i recyclingandwaste@bridgend.gov.uk
Gwasanaeth casglu newydd ar gyfer cewynnau a gwastraff amsugnol
Bydd cartrefi sy’n cynhyrchu cewynnau neu gynhyrchion gwastraff amsugnol eraill (nid cynhyrchion misglwyf) yn cael cofrestru i gael casgliad ar wahân ar gyfer y math hwn o wastraff, sy’n golygu na fydd angen eu rhoi yn eu bagiau gwastraff na ellir eu hailgylchu.
Yn ogystal â chewynnau, bydd y gwasanaeth yn ymdrin â chlytiau golchi dwylo a hancesi papur. Bydd y manylion am sut i gofrestru yn cael eu cyhoeddi’n fuan. I wneud cais ar gyfer y casgliad Cynhyrchion Hylendid Amsugnol (a fydd yn defnyddio bagiau porffor) ffoniwch 01656 643643 neu anfonwch neges e-bost i recyclingandwaste@bridgend.gov.uk
Newidiadau i Ganolfannau Ailgylchu Cymunedol
O 5 Mehefin 2017 ymlaen, bydd angen gwahanu unrhyw wastraff a gludir i safleoedd Brynmenyn, Llandudwg a Maesteg fel bod yr holl ddeunyddiau a ailgylchir yn cael eu rhoi yn y biniau cywir yn gyntaf - ni fyddwch yn cael rhoi popeth mewn bag du a’i daflu i’r sgip mwyach.
Bydd cynhwysyddion ailgylchu newydd, bagiau gwastraff, calendr casglu newydd, a chyfarwyddiadau llawn yn cael eu darparu cyn mis Mehefin.
I gael rhagor o fanylion am y gwasanaeth newydd, a gweld rhestr lawn o Gwestiynau Cyffredin, ewch www.recycleforbridgend.wales
Wythnos Anifeiliaid Anwes yn helpu ffrindiau blewog Pen-y-bont ar Ogwr i ddod yn iach ac yn hapus.
Mae Cymoedd i'r Arfordir (V2C) wedi cynnal Wythnos Anifeiliaid Anwes lwyddiannus unwaith eto gan weithio gyda gweithwyr proffesiynol lles anifeiliaid ar draws Pen-y-bont ar Ogwr i roi cyngor i'r trigolion am eu hannwyl anifeiliaid anwes.
Mewn cydweithrediad â'r PDSA, Dogs Trust, Cats Protection a Chyngor Pen-y-bont ar Ogwr, ymwelodd V2C â thrigolion yn Wildmill, Cefn Glas, Caerau a'r Pîl i roi cyngor am ddim ar anifeiliaid anwes, ynghyd â gosod microsglodion am ddim, a rhoi cyfle i bobl fynegi eu barn ar bolisi anifeiliaid anwes V2C hefyd. Manteisiodd llawer o drigolion ar y cyfle hwn a dod yn eu blaen gyda'u ffrindiau blewog.
Meddai Laura Ballard, Swyddog Digwyddiadau Milfeddygol y PDSA, ‘‘Mae ein rhaglen Gwirio Anifeiliaid Anwes yn addysgu perchenogion anifeiliaid anwes i ddeall sut gall eu hanifeiliaid fod mor iach a hapus â phosibl. Gan weithio ar y cyd ag elusennau anifeiliaid a grwpiau cymunedol ym Mhen-y-bont ar Ogwr, roedd ymdeimlad gwir gymunedol i'n digwyddiadau a gwelsom y nifer fwyaf o gŵn erioed yn ardal Pen-y-bont ar Ogwr! Hoffwn ddiolch i V2C am gydlynu'r fenter iechyd anifeiliaid anwes hon ac edrychwn ymlaen at gwrdd â mwy ohonoch pan ddown yn ôl ym mis Gorffennaf.’’
Dywedodd Malcolm Stagg, Nyrs Milfeddygol yr Ymddiriedolaeth Cŵn, “Yn ystod ein pedwar diwrnod gydag Wythnos Anifeiliaid Anwes V2C, rydym wedi gosod microsglodion yn llwyddiannus ar 22 o gŵn ac, yr un mor bwysig, wedi helpu bron 100 o berchenogion i wirio a diweddaru manylion microsglodion eu cŵn. Cawsom hefyd gyfle gwych i roi cyngor i berchenogion ar ysbaddu, ymddygiad a pherchnogaeth cŵn cyfrifol cyffredinol, ynghyd â dosbarthu cannoedd o fagiau baw ci am ddim. Trefnwyd y digwyddiadau fel bod pob elusen/mudiad oedd yn bresennol yn gweithio i ategu ei gilydd, ac rydym yn edrych ymlaen yn barod at y digwyddiadau dilynol sydd ar ddod a pharhau â'r gwaith da.
Meddai Amy Jones, Swyddog Ymgysylltu â Chwsmeriaid V2C, “Trwy greu'r digwyddiadau cymunedol hyn, rydym wedi llwyddo i gyrraedd mwy a mwy o berchenogion anifeiliaid anwes yn ardal Pen-y-bont ar Ogwr ers i ni ddechrau'r project partneriaeth hwn yn 2008. Rydym yn wir ddiolchgar am ymrwymiad anhygoel yr holl sefydliadau i'r digwyddiadau ac edrychwn ymlaen at fwy o lwyddiant yn yr wythnos ddilynol ym mis Gorffennaf.”
Fel rhan o’n hymrwymiad ehangach i’r cymunedau y gweithiwn ynddynt, mae V2C yn aelod o Fwrdd Gwasanaethau Cyhoeddus Pen-y-bont ar Ogwr.
Mae’n rhaid i’r bwrdd gyhoeddi Asesiad Lles ar gyfer y fwrdeistref a gellir gweld copi o’r adroddiad hwn yma.
Mae gennym gyfle gwych i chi wirfoddoli, cyfrannu, dysgu sgiliau newydd a chael budd o hyfforddiant, wrth ymuno â ni ar fwrdd V2C. Mae'r bwrdd yn gyfrifol am sicrhau bod y sefydliad yn ariannol gadarn a'i fod yn cydymffurfio â'r gyfraith ym mhopeth a wna. Mae'r Bwrdd yn gyfrifol hefyd am benderfynu ar gyfeiriad strategol y sefydliad, beth ddylai wneud yn y dyfodol, a beth sydd angen ei newid.
Mae'r bwrdd yn cwrdd 10 gwaith y flwyddyn, mae'r cyfarfodydd yn dechrau am 5pm ac yn para tua dwy awr a hanner fel arfer. Os hoffech gael mwy o wybodaeth am ymuno â'r bwrdd, dod i sesiwn flas, neu gael ffurflen gais, cysylltwch â Diane Slater. 01656 762489 • board@V2C.org.uk • @ValleysToCoast • V2C.org.uk
Rhaid dychwelyd y ffurflenni cais wedi'u llenwi erbyn y dyddiad cau, 30 Mehefin, ac os byddwch ar y rhestr fer, cynhelir y cyfweliadau yn ystod yr wythnos yn dechrau 24 Gorffennaf
Mae'r bryn uwchben Caerau yn edrych yn lanach ac yn harddach heddiw, ar ôl sesiwn casglu sbwriel fawr fel rhan o ymgyrch Gwanwyn Glân Cymru gan Cadwch Gymru'n Daclus.
Cliriodd tîm mawr o wirfoddolwyr dros ddwy dunnell o wastraff o’r nant, y man chwarae a thu hwnt i’r ymylon o gwmpas Parc Caerau, mewn ardal o harddwch naturiol arbennig. Cafodd staff V2C gymorth gan aelodau o Wasanaeth Tân Maesteg a thrigolion yr ardal.
Roedd yr ymgyrch Gwanwyn Glân Cymru cyntaf erioed yn rhan o Wanwyn Glân Prydain, a gefnogir gan y naturiaethwr teledu a'r ysgrifennwr, Steve Backshall, cyflwynydd Deadly 60 ac enillydd BAFTA. Ar draws y DU, mae hyd at hanner miliwn o bobl wedi bod allan o gwmpas fel rhan o ymgyrch ehangach i gael gwared â sbwriel ledled y wlad.
Meddai Rachel Morton o Gymoedd i'r Arfordir:
“Cawsom ddiwrnod ardderchog yn glanhau ochr y mynydd, ac roedd y gwirfoddolwyr wrth eu boddau. Roedd yn wych gweld pawb o V2C, y Gwasanaeth Tân a thrigolion yno. Mae V2C yn rhedeg digwyddiadau gwirfoddol drwy gydol y flwyddyn i helpu i gadw ein cymunedau a'r amgylchedd yn lân, ac mae'n gwerthfawrogi'r bartneriaeth gyda Cadwch Gymru'n Daclus, sy'n eiriolwyr dros yr amgylchedd.”
Meddai Brian Jones, Swyddog Prosiect Cadwch Gymru'n Daclus dros Ben-y-bont ar Ogwr:
“Roedd yn wych gweld cymaint o bobl o'r ardal yn dod at ei gilydd i gymryd rhan yn Gwanwyn Glân Cymru. Mae'n hanfodol bob pawb yn gwneud eu rhan dros ein hamgylchedd lleol ac mae'r digwyddiad hwn yn enghraifft berffaith o'r hyn y gall cymunedau lleol ei gyflawni wrth gydweithio.
“Hoffem ddiolch i noddwr ein digwyddiad, Cymoedd i'r Arfordir, am eu cyfraniad at wneud y digwyddiad mor llwyddiannus.”
I gael mwy o wybodaeth am weithgareddau Cadwch Gymru'n Daclus ym Mhen-y-bont ar Ogwr, cysylltwch â'r Swyddog Prosiect, Brian Jones, ar 07824 504819.
Mae Ysgol Gyfun Maesteg a Chymoedd i'r Arfordir (V2C) wedi ymuno i lansio partneriaeth Dosbarth Busnes tair blynedd i roi hwb i gyfleoedd gyrfa pobl ifanc.
Mae Dosbarth Busnes, sef cydweithrediad rhwng Gyrfa Cymru a Busnes yn y Gymuned (BITC), yn fenter genedlaethol sydd â'r nod o gryfhau cysylltiadau rhwng ysgolion a chyflogwyr i ddatblygu'r pwll sgiliau o weithwyr y dyfodol yng Nghymru.
Nod y rhaglen Dosbarth Busnes yw gwella dealltwriaeth disgyblion ysgol o fyd gwaith a dewisiadau gyrfa drwy eu cysylltu â busnesau ar gyfer cyfleoedd cydweithredu a chyfranogi.
Meddai Tania Hill, Pennaeth Cynorthwyol Ysgol Gyfun Maesteg: “Rydym yn hynod ddiolchgar bod ein myfyrwyr wedi cael y cyfle hwn i ddysgu sgiliau newydd a chael eu hysbrydoli gan V2C. Bydd ein myfyrwyr yn cael budd mawr o'r wybodaeth fusnes ynghyd â dysgu sgiliau trosglwyddadwy y gobeithiwn fydd yn eu paratoi ar gyfer byd gwaith. Mae'r staff a'r myfyrwyr yn edrych ymlaen at weld beth fydd y bartneriaeth yn ei gyfrannu i'r ysgol.”
Siaradodd Claire Murphy, Cyfarwyddwr Cynorthwyol Gwasanaethau Corfforaethol V2C yn y lansiad: “Rydym yn edrych ymlaen at ddatblygu cysylltiadau cryfach â'r gymuned a helpu i roi'r sgiliau i ddisgyblion y bydd eu hangen arnynt yn y gweithle. Rydym yn arbennig o awyddus i ymgysylltu â merched er mwyn tanio'u brwdfrydedd dros swyddi neu yrfaoedd annhraddodiadol nad ydynt wedi eu hystyried efallai.”
“Dros y 3 blynedd nesaf, byddwn yn cyflwyno sesiynau mentora a chyflwyniadau ysgogiadol gan ddefnyddio modelau rôl benywaidd, lleoliadau profiad gwaith a sesiynau i drafod pa sgiliau rydym yn chwilio amdanynt wrth recriwtio gweithwyr newydd.”
“Mae V2C yn falch o fod yn rhan hanfodol o'r cymunedau ar draws ardal Pen-y-bont ar Ogwr a gobeithiwn y bydd y cynllun hwn yn codi dyheadau pobl ifanc yr ardal ymhellach ac yn rhoi blas iddynt ar fywyd gwaith go iawn cyn iddynt fynd i mewn i'r gweithle.”
Meddai Hannah Stephens, Cynghorydd Ymgysylltu Busnes Gyrfa Cymru: “Mae'n anhygoel gweld cwmni Cymreig mor bwysig, V2C, yn ymgysylltu â Dosbarth Busnes ac yn helpu i feithrin cysylltiadau cynaliadwy rhwng ysgolion, pobl ifanc a chyflogwyr lleol. Trwy gydweithio yn y ffordd hon, gall pob un ohonom helpu pobl ifanc ar draws Cymru i wireddu eu potensial.”
Lluniau o'r chwith i'r dde:-
Hannah Stephens – Gyrfa Cymru Tania Hill – Pennaeth Cynorthwyol, Ysgol Gyfun Maesteg Steve Curry – Rheolwr Adfywio Cymunedol V2C Claire Murphy – Cyfarwyddwr Cynorthwyol Gwasanaethau Corfforaethol V2C
Mae Cymoedd i'r Arfordir yn dathlu derbyn ei safon aur am iechyd corfforaethol – y marc safon am iechyd a lles yn y gweithle yng Nghymru.
Cyflwynir y safon iechyd gan Iechyd Cyhoeddus Cymru, ac mae iddi gategorïau efydd, arian, aur a phlatinwm ar gyfer sefydliadau cyhoeddus, preifat a thrydydd sector sy'n rhedeg arferion i hybu iechyd a lles eu gweithwyr.
Mae dyddiadur blynyddol o weithgareddau'n cael ei drefnu ar draws y sefydliad, yn cynnwys cymelliadau iechyd fel y collwr mwyaf, diwrnod ffrwythau, cinio cerdded, aelodaeth o gampfeydd wedi'i disgowntio a gwiriwch eich lefelau, sydd wedi bod yn llwyddiannus iawn.
Mae'r grŵp yn sicrhau bod ymgyrchoedd iechyd a lles cenedlaethol fel ‘Diwrnod dim ysmygu’ ac ymgyrchoedd ymwybyddiaeth alcohol cenedlaethol yn cael eu hysbysebu i'r staff. Mae'r calendr digwyddiadau hefyd yn cynnwys mentrau penodol seiliedig ar adborth gan staff: eleni rydym yn rhedeg cwrs 8 wythnos ar ymwybyddiaeth ofalgar.
Wrth siarad am y wobr, dywedodd y partner Busnes Iechyd a Diogelwch, Sue Jones: “Rydym yn falch dros ben o glywed bod Iechyd Cyhoeddus Cymru wedi cydnabod gwaith diflino V2C bob dydd i wella iechyd a lles ein xxx o aelodau staff sy'n gweithio mewn amrywiaeth eang iawn o rolau. Hoffwn achub ar y cyfle hwn i ddiolch i'r grŵp iechyd a lles am eu cyfraniad i raglen waith mor llwyddiannus.”
Erbyn hyn mae'n haws nag erioed i ddechrau defnyddio'r Rhyngrwyd gyda'ch cyfrifiadur personol eich hun sydd yn barod-i-fynd am
bris fforddiadwy ar gyfer holl denantiaid V2C.
Dewiswch yr eicon isod i dderbyn y cynnig arbennig hwn.
Mae staff Cymoedd i'r Arfordir (V2C) wedi cychwyn eu dathliadau gyda chlec drwy gyfrannu at apêl bocsys esgidiau'r Nadolig ar gyfer y Banc Bwyd lleol.
Roedd yr eitemau derbyniol yn cynnwys siocledi, losin, bisgedi a danteithion, ynghyd ag eitemau eraill fel posau, teganau bach a brwshys dannedd.
Meddai Jessica Lane, trefnydd gweithiau V2C, “Mae'n wych cael rhoi rhywbeth nôl i'r gymuned rydym yn gweithio ynddi, ac rydym yn gwybod bod Banciau Bwyd yn cael eu defnyddio'n fwy nawr nag erioed o'r blaen. Y Nadolig hwn, rydym yn gobeithio y bydd ein bocsys danteithion yn rhoi syrpréis hyfryd i deuluoedd sy'n mynd heb bethau fel arfer. Mae V2C bob amser yn chwilio am ffyrdd o gefnogi'r gymuned a rhoi help llaw i'r rhai hynny sydd ei angen.”
Mae Banc Bwyd Pen-y-bont ar Ogwr yn darparu tri diwrnod o fwyd argyfwng maethlon a chymorth i bobl leol sy'n cael eu hatgyfeirio atynt mewn argyfwng.
Os hoffech roddi i Fanc Bwyd Pen-y-bont ar Ogwr, ewch i'w gwefan: www.bridgend.foodbank.org.uk. Cewch wybodaeth yma am ba eitemau o fwyd sydd eu hangen ar frys a ble gallwch adael eich eitemau.
Llwyddodd Cymoedd i'r Arfordir (V2C) i ennill dwy wobr yng Ngwobrau Tai Cymru 2016 eleni. Trefnwyd y wobr gan Sefydliad Tai Siartredig Cymru, i gydnabod a dathlu creadigrwydd, brwdfrydedd ac arloesedd sefydliadau tai ac unigolion ar draws yr holl sector dai yng Nghymru.
Llwyddiant cyntaf y noson oedd y Wobr Gydweithrediad, gyda'r prosiect: Dod ag Emmaus i Gymru.
Roedd y prosiect hwn yn canolbwyntio ar waith partneriaeth rhwng V2C ac Emmaus i ddatblygu'r gymuned Emmaus gyntaf yng Nghymru, gan gynnig 24 ystafell oedd yn rhoi cartref sefydlog i gymdeithion ar ôl cyfnod o ddigartrefedd. Roedd y weledigaeth hon yn atseinio gyda gweledigaeth V2C ei hun o greu cymunedau y mae pobl eisiau byw ynddynt.
Meddai Tom Clarke, Cyfarwyddwr Emmaus, ‘Mae Nantlais yn cynnig cyfle i gymdeithion ddysgu sut i fyw'n annibynnol o fewn amgylchedd cefnogol. Mae sgiliau byw, bwyta'n iach a choginio, a rheoli cyllidebau yn cael eu haddysgu yn y cartref.’ Fel y dywedodd un cydymaith, ‘Rhoddodd Emmaus wely i mi a rheswm dros godi oddi wrtho’.
Yr ail wobr a enillwyd oedd y Wobr Cynnwys a Grymuso Cymunedau a oedd yn cydnabod y gwaith partneriaeth gyda grŵp ieuenctid yn y gymuned leol: y prosiect Wildmill Youth Revival.
Yn ystod haf 2014, cyhoeddwyd y byddai'r cyfleuster lleol i bobl ifanc yn Wildmill yn cau. O ganlyniad, cymerodd y gymuned y mater dan ei gofal. Roedd Debbie Bryn, gweithiwr ieuenctid Youth Works cyn iddo gau, yn gweld hyn yn gyfle ardderchog; daethant â phobl leol at ei gilydd mewn grŵp gweithredu i sicrhau nad oedd y ddarpariaeth i bobl ifanc yn cael ei cholli.
Meddai Debbie Bryn, gwirfoddolwr gyda Wildmill Youth: ‘Roedd y grŵp yn awyddus i weithio gyda V2C gan ein bod wedi gweithio'n agos gyda nhw yn y gorffennol. Cysylltom â nhw i weld sut gallent ein helpu gyda'n cynllun. Roedd ein hymrwymiad, ein huchelgais a'n penderfyniad i sicrhau bod pobl ifanc yn cael y cychwyniad gorau yn amlwg ac roeddwn yn dra hyderus y byddai'r grŵp yn gallu cyflawni pethau gwych ar gyfer y stad.’
Roedd y noson yn llwyddiant mawr i V2C, a ddathlodd eu buddugoliaeth yng Ngwesty’r Vale ar 18 Tachwedd. Diolch i noddwyr y gwobrau, United Living a Contract Services.
Oherwydd haelioni pobl Sir Penybont a gyda chymorth o fusnesau lleol, mae banc bwyd Penybont ar Ogwr wedi cael ychydig o wythnosau brysur yn trefnu a dosbarthu bwyd dros gyfnod prysur y Nadolig.
Llenwodd staff Cymoedd i'r Arfordir (V2C) dros 50 o flychau esgidiau yn llawn danteithion y Nadolig i helpu'r rheini sydd mewn cymunedau cyfagos i fwynhau'r Nadolig.
Rhodd busnesau lleol a chontractwyr sy'n gweithio gyda V2C gwobrau i raffl Nadolig, gan codi swm wych o £832.07. Bydd yr arian hwn yn caniatáu gwirfoddolwyr o banc bwyd Penybont ar Ogwr i brynu eitemau bwyd taer ei angen i helpu i ddarparu diet iach a chytbwys i deuluoedd sy'n cael trafferth.
Dywedodd Cadeirydd ag Ymddiriedolwr Banc Bwyd Penybont ar Ogwr Jonathan Davies, "Rydym yn hynod o ddiolchgar i Gymoedd i’r Arfordir am gyfrannu arian parod gan eu raffl Nadolig. Hoffem ddiolch i bawb am eu cefnogaeth barhaus."
Dywedodd Chris Randall, ymgynghorydd dyled gwasanaethau cyhoeddus o V2C, "Rydym yn hoffi i weithio mor agos â phosibl gyda banc bwyd Penybont ar Ogwr fel y gallwn weld y gwaith gwych a wnânt yn ein cymuned. Rydym yn falch y gallem helpu."
Sarah Hay sy’n sôn wrthyn ni am wella lle chwarae yn ei chymuned leol yn y Felin Wyllt, Pen-y-bont ar Ogwr. Prosiect dwy flynedd yw Achubwyr Lle Gwag sy’n cael ei ariannu gan y Loteri Genedlaethol a’i ddarparu gan bedair cymdeithas dai, yn cynnwys Tai Cymoedd i’r Arfordir (V2C) ym Mhen-y-bont ar Ogwr. Cynhaliodd prosiect Achubwyr Lle Gwag ddigwyddiadau ar gyfer cymunedau lleol i nodi syniadau er mwyn gwella mannau awyr agored lleol a bues i yn un o’r rhain yn 2014. Es i draw achos mod i’n gwybod bod tipyn go lew o lefydd ar gael yn ein cymuned a allai gael eu datblygu ar gyfer chwarae. Roeddwn i’n awyddus i greu ardal chwarae ddiogel yn y Felin Wyllt a chefais fy ysbrydoli gan weithdy Chwarae Cymru i roi syniad am brosiect at ei gilydd.
Fy syniad gwreiddiol oedd cael gwared â thwmpath pridd presennol, gosod arwyneb diogel nesaf at y parc presennol ac ychwanegu goliau er mwyn i’r plant gael chwarae pêl-droed. Pan sonies i wrth fy mab hynaf am y prosiect, fe gynhyrfodd yn lân a dweud ‘Dwyt ti ddim am gael gwared â’n twmp ni, wyt ti?’ Doeddwn I ddim wedi sylweddoli pa mor bwysig oedd y twmp iddo fe a’i ffrindiau. Dechreuais i wylio plant yn defnyddio’r man a gweld cymaint roedden nhw’n ei werthfawrogi. Dywedais yr hanes wrth Chwarae Cymru ac aethon ni ati, gyda’n gilydd, i gynnal archwiliad chwarae yn yr ardal a gweithio gyda phensaer tirwedd i greu dyluniadau.
Roedd V2C yn hoffi’r dyluniad terfynol a chawson nhw hyd i arian i dalu am welliannau, gan gynnwys ei gwneud yn haws i chwarae ar y twmp. Cyn dechrau, cynhalion ni ddigwyddiad ymgynghori yn ein canolfan ymunedol ac arddangos lluniau o’r dyluniad yn ein clwb ieuenctid. Yn ystod y gwaith adeiladu, doedd rhai oedolion lleol ddim yn hapus a threuliais rywfaint o’m hamser yn eu sicrhau y byddai’r gymuned yn elwa, yn y tymor hir, o’r annibendod roedd y newidiadau wedi’i achosi. Agorwyd yr ardal chwarae newydd yn Chwefror 2016 â Diwrnod Chwarae. Yn y digwyddiad hwn, gofynnodd pobl pam nad oedd ffens o amgylch y man hwarae ‘i gadw’r cw^ n allan’. Esbonion ni nad oedd angen ffens am fod y lle yn ddiogel i blant yn barod gan fod dim traffig a bod cynifer o dai yn edrych dros y safle. Fodd bynnag, sylweddolon ni’n fuan fod baw cw^ n yn broblem go iawn. Gyda V2C, penderfynon ni ddechrau ymgyrch gwybodaeth i’r cyhoedd. Bu plant lleol yn dylunio posteri i atgoffa pobl i glirio baw eu cw^ n ac aeth V2C ati i brynu a gosod arwyddion awyr agored yn seiliedig ar ddyluniadau’r plant. Cawson ni baent sialc a mynd ati, gyda’r plant, y gwirfoddolwyr a Cadwch Gymru’n Daclus, i farcio’r holl faw cw^ n a rhyfeddu o weld cymaint o’r glaswellt wedi’i orchuddio â sialc. Roedd tenantiaid lleol, yn enwedig y perchenogion cw^ n, yn arswydo ac yn ffieiddio at y llanast roedd ein plant yn chwarae ynddo.
Mae’r llecyn yn cael ei ddefnyddio’n well nawr ac rydyn ni wedi gwneud defnydd clyfar o’r lle oedd yno. Ac mae gen i fab hapus iawn roddodd sêl bendith i’r dyluniad terfynol oherwydd nad oedden ni wedi difetha’r twmp!
Pob blwyddyn mae V2C yn noddi digwyddiad gwobrau gwirfoddolwyr Cymdeithas Sefydliadau Gwirfoddol Penybont ar Ogwr (BAVO).
Mae'r digwyddiad hwn yn dathlu y gwaith gwych gwbl wirfoddol sy'n digwydd yn y sir.
Mae rhai o'r enillwyr yn anhygoel gyda beth y maent yn rhoi yn rhydd i wella ansawdd bywyd pobl eraill.
Tenantiaid V2C yw rhai o’r derbynwyr ac hefyd rhai o’r ennillwyr ac mae hyn oll yn helpu i greu 'cymunedau ffyniannus lle mae pobl am fyw ynddynt'.
Dyma Amy Jones (Swyddog Ymgysylltu Cwsmeriaid yn V2C) yn cyflwyno Sarah Boswell-Jones gyda ei Gwobr Cyfeillio a Mentora.
Mae Canolfan Gwirfoddoli newydd BAVO yn 2 Heol y Frenhines yng nghanol dref Penybont ar Ogwr yn cynnig adnodd-un-stop ar gyfer pob agwedd o wirfoddoli gyda dros 300 o sefydliadau gwirfoddol cofrestredig yn cynnig amrywiaeth eang o gyfleoedd i gyfateb â sgiliau a diddordebau pobl.
Am fanylion pellach ffoniwch BAVO ar: 01656 660372
Derbyniodd tenantiaid plês eu hallweddi i un o ddeg byngalo newydd eu hadeiladu ar ddatblygiad V2C yn The Mercies, Y Porthcawl.
Roedd preswylwyr newydd a'u teuluoedd yn bresennol yn y bore agored, gan roi cyfle i staff V2C a United Living, y contractwr datblygu, i groesawu'r tenantiaid newydd i'w cartrefi newydd. Roedd y digwyddiad hefyd yn rhoi cyfle i drigolion y cwmpasoedd gael cipolwg ar y meddiannau roedden wedi eu gwylio'n amyneddgar wrth iddynt gael eu hadeiladu dros y flwyddyn ddiwethaf.
Mae'r byngalos o safon uchel yn cynnig hygyrchedd hawdd drwyddynt ac maent yn darparu gwell ansawdd bywyd i'r preswylwyr sydd â materion symudedd amrywiol, ac mae gan bob cartref ystafell wlyb a gerddi hardd y tu ôl iddynt.
“Mae hyn yn golygu gymaint mwy na dim ond tŷ i lawer’, meddai un o denantiaid V2C, Mrs Martin. “Nawr gall fy ngŵr ddod nôl o'r ysbyty a bod yn rhan o fywyd teuluol eto ar ôl treulio blwyddyn yn yr ysbyty. Dydych chi ddim yn sylweddoli faint mae hyn yn ei olygu i mi.”
Sylwodd Paul Sawtell, Rheolwr Datblygu V2C: “Roeddwn yn falch iawn o weld datblygiad llwyddiannus arall yn cael ei gwblhau mewn ardal ble mae mawr angen datblygiad o'r math hwn. Roedd yn wych gweld o lygad y ffynnon y teuluoedd oedd yn derbyn y meddiannau ac mae'n rhoi ymdeimlad o falchder i mi wrth weld beth mae'n ei olygu i'n cwsmeriaid.”
Mesuryddion clyfar yw’r genhedlaeth newydd o fesuryddion nwy a thrydan a fydd yn disodli’r mesuryddion traddodiadol yn ein cartrefi . Bydd mesurydd clyfar yn cael ei gynnig i bob cartref yng Nghymru, Lloegr a’r Alban gan eu cyflenwyr ynni heb unrhyw gost ychwanegol rhwng nawr a 2020. Bydd eich cyflenwr yn cysylltu â chi i drefnu apwyntiad pan fyddant yn barod i osod un i chi.
Bydd mesuryddion clyfar yn eich galluogi chi i weld yn union faint o ynni rydych yn ei ddefnyddio, wrth i chi ei ddefnyddio, a faint mae’n costio mewn punnoedd a cheiniogau. Maent hefyd yn rhannu darlleniadau rheolaidd gyda’ch cyflenwr ynni trwy rwydwaith diwifr diogel, gan ddod â biliau wedi’u hamcangyfrif ac ymweliadau i ddarllen y mesurydd i ben.
Ynni Clyfar GB yw llais yr ymgyrch cyflwyno mesuryddion clyfar.
I gael mwy o wybodaeth am fesuryddion clyfar a sut y gallant eich helpu chi, ewch i smartenergyGB.org/cy
Cyfarwyddwr Gweithrediadau/Dirprwy Brif Weithredwr
tua £85k ynghyd â phecyn cefnogol deniadol.
Fel rhan o gam datblygu nesaf Cymoedd i’r Arfordir, rydym wedi creu rôl a fydd yn arwain y cydweithio rhwng pob un o'n gwasanaethau rheng flaen. Wrth wneud hynny, y nod yw wir drawsnewid profiad y cwsmer. Ein nod yw optimeiddio perfformiad drwy ddefnyddio technoleg smart a dyfeisgarwch dull a fydd yn gwneud i ni sefyll allan oddi wrth y gweddill.
Bydd eich proffil proffesiynol yn eich galluogi i ddeall cymhlethdodau rheoli tai a darparu gwasanaeth atgyweirio o'r radd flaenaf. Eich 'Gweledigaeth', ar gyfer gwasanaeth cwsmeriaid gwych, fydd yn arwain at y timau a fyddwch yn rheoli yn cychwyn newid ac yn mynnu ar weithio ar flaen y gad.
Arweinydd o newid, ysbrydolwr o bobl, gydag angerdd i greu lle gwych i weithio, byddwch yn fedrus wrth gyfuno'r nodweddion hyn gyda chraffter busnes a fydd yn ychwanegu gwerth gwirioneddol y tu hwnt i arwain eich cyfarwyddiaeth.
Os yw hyn yn rôl yr ydych wedi bod yn aros am, byddem yn falch dros ben i glywed wrthoch ble bynnag yr ydych yn gweithio ar hyn o bryd o fewn y Deyrnas Unedig. Gellir gweld y pecyn ymgeisydd drwy www.campbelltickell.com/jobs. Am sgwrs anffurfiol gyda'n hymgynghorwyr, Campbell Tickell, cysylltwch â'u ymgynghorwr arweiniol, Mark Glinwood, ar 07944-411484 or 020 3434 0990.
Dyddiad cau: 31 Hydref, 2016
Mae Cymoedd i’r Arfordir bob amser wedi croesawu ac cofleidio amrywiaeth yn ein cymunedau ac ymhlith ein gweithlu.
Un o'n hegwyddorion allweddol yw 'Gwerthfawrogi Gwahaniaethau' ac rydym yn pryderu ac yn gofidio o weld cynnydd mewn troseddau casineb yn dilyn bleidlais y Refferendwm.
Rydym am ei gwneud yn glir i'n cwsmeriaid, staff a phartneriaid ein bod yn cefnogi hawl yr unigolyn i fyw heb ofn a chasineb ac ni fyddwn yn goddef gwahaniaethu o unrhyw fath.
Byddwn yn gwneud beth bynnag a allwn i helpu pobl sy'n dioddef o wahaniaethu, a byddwn yn delio â'r rhai sy'n euog o ymddygiad annerbyniol o'r fath yma.
Ydych chi’n wneuthurwr-penderfyniad profiadol, wedi ymrwymo i lywodraethu corfforaethol rhagorol, ac yn angerddol am y rôl allweddol mai tai yn chwarae yn ein heconomi a’n cymunedau lleol?
Rydym yn chwilio yn benodol am ddiddordeb gan bobl sydd â sgiliau Ariannol a Llywodraethu Cymdeithasau Tai, Rheoli a Cynnal a Chadw tai, neu sgiliau Cyfreithiol ac Adnoddau Dynol.
Ydych chi’n credu bod gennych y sgiliau perthnasol neu yn adnabod rhywun a allai fod â diddordeb? Yna cysylltwch â ni am becyn cais.
Y Cynllun Sgilliau
Rhaglen hyfforddi a datblygu newydd ar gyfer y Wallich
Cliciwch yma am fwy o wybodaeth
Mae’r cynllun ffrindiau Cyfeillion Cymunedol i bobl 50+ a gefnogir gan Y Loteri Fawr yn edrych am gyfeillion wirfoddol yn yr ardal Maesteg
Am fwy o fanylion cysylltwch â BAVO, tel:01656 810400 ebost: bavo@bavo.org.uk
Bydd staff swyddfa Cymoedd i'r Arfordir yn dangos eu denim ar ddydd Gwener y 23 Medi i helpu i godi arian ar gyfer y diwrnod Jeans for Genes blynyddol.
Gofynnir i'r staff roddi £2 i gael gwisgo'u jîns i'r swyddfa! Ni fydd rhai o'n crefftwyr yn gallu gwisgo jîns oherwydd natur eu swydd, felly rydym yn bwriadu eu gwisgo mewn ategolion denim/glas a thynnu eu llun yn ein bwth lluniau.
Mae Lindsey Barrett, y Swyddog Prosiectau yn V2C, yn awyddus i gefnogi'r elusen oherwydd, “Mae rhywun yn waeth eu byd na chi bob amser, pan fyddwch yn gweld plant gyda phob math o glefydau yn hollol ddi-fai, a'r pethau maent yn gorfod dioddef yn eu bywyd, rwy'n meddwl bod hynny'n rheswm digonol.”
Os byddwch yn ymweld â swyddfa V2C ddydd Gwener 23 Medi, cofiwch y bydd y staff yn gwisgo’u denim dros yr achos da hwn. Os hoffech wneud rhodd i'r elusen, bydd blychau casglu yn y derbynfeydd.
Bob blwyddyn, y mae Llywodraeth Cymru yn gofyn i Gymoedd i’r Arfordir adolygu ei berfformiad.
Dyma sut yr ydym yn credu ein bod yn perfformio:
A ydych chi’n cytuno gyda ni?
Rhannwch eich barn gyda Michael Hughes ar 01656 727948 neu e-bostiwch michael.hughes@v2c.org.uk
Gallech ennill £50 o dalebau siopa am ddim ond rhoi eich barn!
Pa ffordd well o ddathlu diwedd y gaeaf na phlannu 30 coeden flodeuol yn barod ar gyfer yr haf. Roedd yn reit oer pan aeth staff Cymoedd i'r Arfordir (V2C) ati â'u rhofiau, i blannu 30 ceiriosen flodeuol mewn cynlluniau gwarchod lleol.
Mae’r haul ar y ffordd. Mae eich Cylchlythyr Gwanwyn ar gael nawr, cliciwch yma
Cliciwch yma i gael gwybod mwy.
Cafodd pawb hwyl a mwynhad ar y diwrnod ‘V2C gyda’n gilydd’, cliciwch yma i gael gwybod mwy
